qudrat ke tamashe

phuul khile haiñ rang-birange

gamloñ meñ jo biij the bo.e

un meñ se kuchh paude phūTe

kuchh ko gamloñ hī meñ chhoḌā

kuchh ko kyārī meñ jā boyā

un pe paḌīñ paanī kī phuvāreñ

jhuum uThī paudoñ kī qatāreñ

roz baḌhīñ vo añgul añgul

phailīñ patiyāñ ubhre DanThal

un meñ se phir kaliyāñ phūTīñ

rañgoñ kī pichkāriyāñ chhūTīñ

vo jo shaam ko ik kalī thī

sub.h huī to phuul banī thī

miTTī meñ to kuchh bhī nahīñ thā

daana hī bas ik boyā thā

aa.e kahāñ se phuul ye pyāre

itne achchhe itne pyāre

miTTī meñ se peḌ ubhre haiñ

shāḳhoñ meñ se phuul khile haiñ

phuul khile haiñ rang-birange

haiñ ye sab qudrat ke tamāshe

phul khile hain rang-birange

gamlon mein jo bij the boe

un mein se kuchh paude phuTe

kuchh ko gamlon hi mein chhoDa

kuchh ko kyari mein ja boya

un pe paDin pani ki phuwaren

jhum uThi paudon ki qataren

roz baDhin wo angul angul

phailin patiyan ubhre DanThal

un mein se phir kaliyan phuTin

rangon ki pichkariyan chhuTin

wo jo sham ko ek kali thi

subh hui to phul bani thi

miTTi mein to kuchh bhi nahin tha

dana hi bas ek boya tha

aae kahan se phul ye pyare

itne achchhe itne pyare

miTTi mein se peD ubhre hain

shaKHon mein se phul khile hain

phul khile hain rang-birange

hain ye sab qudrat ke tamashe