qurratulain ki ruKHsati par

kaliyāñ jab khiltī haiñ

to sundar lagtī haiñ

mere ghar meñ bhī the

chaar shagūfe phūTe

āñgan un kī ḳhushbū se the mahke

aah magar ye rasm-e-duniyā

jis se bach na paa.eñ

kaT kar apnī shāḳh se sab gul

ġhairoñ ke ghar jaa.eñ

so.e merī momo pyārī

tum par paayā jaañ se vaarī

do TukḌe to pahle dil ke kaaT chukā thā

ab aa.ī hai terī baarī

dulhā sañg tum car meñ baiTho

merī jānib yuuñ na dekho

merā kyā hai jī lūñgā maiñ

jaise pahle siyā thā maiñ ne

zaḳhm-e-dil phir sī lūñgā maiñ

koī daanā koī aaqil

koī an-paḌh koī jāhil

bhed zarā ye khole

koī to āḳhir bole

kaliyāñ kyuuñ ye āñgan meñ khiltī haiñ

ḳhushiyāñ kyūñkar dukh se jā miltī haiñ

kaliyan jab khilti hain

to sundar lagti hain

mere ghar mein bhi the

chaar shagufe phuTe

aangan un ki KHushbu se the mahke

aah magar ye rasm-e-duniya

jis se bach na paen

kaT kar apni shaKH se sab gul

ghairon ke ghar jaen

soe meri momo pyari

tum par paya jaan se wari

do TukDe to pahle dil ke kaT chuka tha

ab aai hai teri bari

dulha sang tum car mein baiTho

meri jaanib yun na dekho

mera kya hai ji lunga main

jaise pahle siya tha main ne

zaKHm-e-dil phir si lunga main

koi dana koi aaqil

koi an-paDh koi jahil

bhed zara ye khole

koi to aaKHir bole

kaliyan kyun ye aangan mein khilti hain

KHushiyan kyunkar dukh se ja milti hain