rag gyan

sāñjh savere mauj meñ apnī

bahtā jaa.e vaqt kā dhārā

jaise sāgar gahrā

jaane kahāñ hai manzil us kī

jaane kahāñ kinārā

vaqt ke is gahre sāgar meñ

Dol rahī hai jīvan naav

pīchhe bhī mañjdhār hai is ke

aage bhī mañjdhār hai is ke

aur is naav meñ baiThā hai ik sansār

jaane ko us paar

aur ye naav pal ke pal meñ

yuuñ khaa.e hachkole

shaam ke baḌhte añdhiyāroñ meñ

binā pirītam jaise

taarī kā man Dole

naav meñ baiThe saare musāfir

haiñ ik gahrī soch meñ gum

lekin sab ke dil meñ khile haiñ

kuchh aashā ke phuul

jin par jamtī jaa.e pal pal

ek nirāsh kī dhuul

jis ke kāran ho jaatā hai jīvan

bhaag bhaag meñ likkhī bhuul

lekin kaun ye jaane

kis ke bhaag meñ likkhe haiñ

kis kis ke dukh-sukh ke bhed

kis ke haath kī rekhāoñ meñ

pyaas likhī hai

kis kī qismat meñ paimāne

kaun ye jaane

aur agar kuchh jaan bhī jaa.e koī

apnī rekhāoñ meñ likkhī pyaas na koī maane

lekin chāhe koī māne, chāhe koī na maane

sāñjh-savere mauj meñ apnī

bahtā jaa.e vaqt kā dhārā

aur is dhāre sañg chalī hai

Dag-mag Dag-mag jīvan naav

sanjh sawere mauj mein apni

bahta jae waqt ka dhaara

jaise sagar gahra

jaane kahan hai manzil us ki

jaane kahan kinara

waqt ke is gahre sagar mein

Dol rahi hai jiwan naw

pichhe bhi manjdhaar hai is ke

aage bhi manjdhaar hai is ke

aur is naw mein baiTha hai ek sansar

jaane ko us par

aur ye naw pal ke pal mein

yun khae hachkole

sham ke baDhte andhiyaron mein

bina piritam jaise

tari ka man Dole

naw mein baiThe sare musafir

hain ek gahri soch mein gum

lekin sab ke dil mein khile hain

kuchh aasha ke phul

jin par jamti jae pal pal

ek nirash ki dhul

jis ke karan ho jata hai jiwan

bhag bhag mein likkhi bhul

lekin kaun ye jaane

kis ke bhag mein likkhe hain

kis kis ke dukh-sukh ke bhed

kis ke hath ki rekhaon mein

pyas likhi hai

kis ki qismat mein paimane

kaun ye jaane

aur agar kuchh jaan bhi jae koi

apni rekhaon mein likkhi pyas na koi mane

lekin chahe koi mane, chahe koi na mane

sanjh-sawere mauj mein apni

bahta jae waqt ka dhaara

aur is dhaare sang chali hai

Dag-mag Dag-mag jiwan naw