rashida-baji aur ek laDki

rāshida-bājī ne chup se muñh par mire

ek thappaḌ jo maarā to maiñ hañs paḌī

de ke phir ek ghūñsā unhoñ ne kahā

kaan khīñchūñ tumhārā to maiñ hañs paḌī

sab dalīleñ jo un kī thiiñ ma.aqūl thiiñ

aur mujhe pīTne meñ vo mashġhūl thiiñ

bhūkī ik bakrī chupke se jab char ga.ī

aa ke un kā ġharāra to maiñ hañs paḌī

un kā burqā bandariyā ko pahnā diyā

pars bandar ke hāthoñ meñ pakḌā diyā

jab vo ye kah ke ghabrā ke rone lagīñ

haa.e burqā hamārā to maiñ hañs paḌī

khā ga.ī iid kī vo sivayyāñ mirī

mujh se bolīñ ki khā le tū bayyāñ mirī

maare ġhusse ke jhaT āstīnoñ ko jab

bāzūoñ se utārā to maiñ hañs paḌī

rāshida-bājī sun lo namāzī bhī haiñ

vo mujāhid bhī haiñ aur ġhāzī bhī haiñ

bāñdh kar sar pe paggaḌ unhoñ ne jūñhī

dushmanoñ ko pukārā to maiñ hañs paḌī

rashida-baji ne chup se munh par mere

ek thappaD jo mara to main hans paDi

de ke phir ek ghunsa unhon ne kaha

kan khinchun tumhaara to main hans paDi

sab dalilen jo un ki thin maqul thin

aur mujhe piTne mein wo mashghul thin

bhuki ek bakri chupke se jab char gai

aa ke un ka gharara to main hans paDi

un ka burqa bandariya ko pahna diya

pars bandar ke hathon mein pakDa diya

jab wo ye kah ke ghabra ke rone lagin

hae burqa hamara to main hans paDi

kha gai id ki wo siwayyan meri

mujh se bolin ki kha le tu bayyan meri

mare ghusse ke jhaT aastinon ko jab

bazuon se utara to main hans paDi

rashida-baji sun lo namazi bhi hain

wo mujahid bhi hain aur ghazi bhi hain

bandh kar sar pe paggaD unhon ne junhi

dushmanon ko pukara to main hans paDi