راستا جو زندگی کی اور کھلنا تھا

زمانے بھر کی باتوں میں

وہ افسانا بھی شامل تھا

کہ جب ہاتھوں میں میرے کانپتی

تیری ہتھیلی تھی

نظر میں پھول تھے میرے کھلائے

اور گالوں پر اجالے تھے فضا کے

آپ ہی مہکے ہوئے

تنہا خیالوں سے

زباں پر ایک چپ تھی ٹوٹتی سی

مسکراتی سی

جگر میں پھوٹتے اٹھتے سوالوں سے

پریشاں ہو

کہ جیسے رنگ کوئی

عمر بھر کو لگ گیا تھا

سرخ وہ تیری ہتھیلی پر

کہ جیسے روگ کوئی

دھڑکنوں کی دھار میں

بس رک گیا سا تھا

نہیں جس کا کوئی چارہ

وہ کہنے کو تو سب

دھندلی ہوئی یادیں سبھی باتیں

مگر وہ راستہ

جو زندگی کی اور کھلنا تھا

کھلا تھا

اور ہم صدیاں بتا اور آ گئے تھے

جیسے لمحوں میں

ابھی بھی سوچتا ہوں میں

کہ جیسے میرے ہاتھوں میں

ہتھیلی ہے تمہاری کانپتی سی

اور موسم میں کھلے ہیں

رنگ خوشبو بن

کہ جیسے راستہ

جو زندگی کی اور کھلنا تھا

کھلا ٔہے