raat har bar liye

raat har baar liye

ḳhauf ke ḳhālī paikar

ḳhuuñ mirā māñgne

be-ḳhauf chalī aatī hai

aur jaltī huī āñkhoñ ke

tahayyur ke tale

ek sannāTā

bahut shor kiyā kartā hai

kuchh to kaTtā hai

taḌaptā hai

bahātā hai lahū

aur khul jaate haiñ

reshoñ ke purāne baḳhiye

raat har baar mirī

jāgtī palkeñ chun kar

andhe gumnām darīchoñ pe

sajā jaatī hai

aur dhundlā.e hue

gard-zada rastoñ meñ

ek aahaT kā sirā hai

jo nahīñ miltā hai

āsmāñ giilī chaTānoñ pe

Tikā.e chehra

siskiyāñ letā hai

sahme hue bachche kī tarah

aur darīchoñ pe dharī

kāñptī palkeñ merī

gul-zamīnoñ ke na.e

ḳhvāb bunā kartī haiñ

raat har bar liye

KHauf ke KHali paikar

KHun mera mangne

be-KHauf chali aati hai

aur jalti hui aankhon ke

tahayyur ke tale

ek sannaTa

bahut shor kiya karta hai

kuchh to kaTta hai

taDapta hai

bahata hai lahu

aur khul jate hain

reshon ke purane baKHiye

raat har bar meri

jagti palken chun kar

andhe gumnam darichon pe

saja jati hai

aur dhundlae hue

gard-zada raston mein

ek aahaT ka sira hai

jo nahin milta hai

aasman gili chaTanon pe

Tikae chehra

siskiyan leta hai

sahme hue bachche ki tarah

aur darichon pe dhari

kanpti palken meri

gul-zaminon ke nae

KHwab buna karti hain