raat ki aankh mein ek KHanjar uga

raat kī aañkh meñ ek ḳhanjar ugā

raat kaalī hai ujlī hai piilī hai niilī hai yā phir

raat kā koī rañg hī nahīñ hai

magar jo bhī ho raat kaalī hai aisā samajh lījiye

raat kaalī hai bahtī hai jaise nadī andhe paanī kī kohre kī yā dhuñd kī

raat kī aañkh meñ ek ḳhanjar ugā

ek vahshī parinde ne ḳhanjar kā bosa liyā

nok-e-ḳhanjar parinde kī āñkhoñ meñ sāzish kā nasha machā

ḳhvāb kī dhuñd andhī nadī zard sho.ala banī aur bahtī rahī

phir kahīñ zard rañgoñ ke patthar kī bārish parā.e shahr meñ ravāna huī

rāhatoñ ke makāñ ke muñDeroñ se rāhat ke kavve uThe

shor kī kañkarī se kueñ bhī bhare aa.ina aa.ina sī fazā bhī jalī

ek qisse kī anti purānī na.ī phir kahīñ buum kā āshiyāna banī

raat kī aañkh meñ ek ḳhanjar ugā

raat ki aankh mein ek KHanjar uga

raat kali hai ujli hai pili hai nili hai ya phir

raat ka koi rang hi nahin hai

magar jo bhi ho raat kali hai aisa samajh lijiye

raat kali hai bahti hai jaise nadi andhe pani ki kohre ki ya dhund ki

raat ki aankh mein ek KHanjar uga

ek wahshi parinde ne KHanjar ka bosa liya

nok-e-KHanjar parinde ki aankhon mein sazish ka nasha macha

KHwab ki dhund andhi nadi zard shoala bani aur bahti rahi

phir kahin zard rangon ke patthar ki barish parae shahr mein rawana hui

rahaton ke makan ke munDeron se rahat ke kawwe uThe

shor ki kankari se kuen bhi bhare aaina aaina si faza bhi jali

ek qisse ki anti purani nai phir kahin bum ka aashiyana bani

raat ki aankh mein ek KHanjar uga