race ka ghoDa

ḳhud ko maiñ aksar kahtā huuñ

mujh meñ aur ik race ke ghoḌe meñ

koī bhī farq nahīñ hai

jaane kitnoñ ne mujh par vishvās kiyā aur daav lagā.e

baazī jiite

jashn manā.e

kitne jockey merī piiTh pe baiTh ke

mujh ko eḌ lagā ke

tez bhagā ke

avval aa.e

meDal jiite tamġhe paa.e

merī dauḌ sadā hī

auroñ kī ḳhātir maḳhsūs rahī hai

haañ albatta mere naam kā

merī nasl kā

merī jiit kā

charchā aksar hotā rahā hai

ab mujh ko kuchh yuuñ lagtā hai

merī 'umr

mirī raftār pe haavī ho kar

mujh ko ik nākāra ghoḌā banā chukī hai

ab to na koī jockey hai jo merī mālish kar ke mujhe

tayyār kare

aur shābāshī de kar Tahlātā

race course meñ e'timād se le jaa.e

koī ḳhabar nahīñ chhaptī ab aḳhbāroñ meñ jiit kī merī

thaan meñ bañdhā

maiñ huuñ ik nākāra ghoḌā

ab to faqat is intizār meñ din gintā huuñ

kab ik golī mujh ko abadī niiñd sulā de

KHud ko main aksar kahta hun

mujh mein aur ek race ke ghoDe mein

koi bhi farq nahin hai

jaane kitnon ne mujh par wishwas kiya aur daw lagae

bazi jite

jashn manae

kitne jockey meri piTh pe baiTh ke

mujh ko eD laga ke

tez bhaga ke

awwal aae

meDal jite tamghe pae

meri dauD sada hi

auron ki KHatir maKHsus rahi hai

han albatta mere nam ka

meri nasl ka

meri jit ka

charcha aksar hota raha hai

ab mujh ko kuchh yun lagta hai

meri 'umr

meri raftar pe hawi ho kar

mujh ko ek nakara ghoDa bana chuki hai

ab to na koi jockey hai jo meri malish kar ke mujhe

tayyar kare

aur shabashi de kar Tahlata

race course mein e'timad se le jae

koi KHabar nahin chhapti ab aKHbaron mein jit ki meri

than mein bandha

main hun ek nakara ghoDa

ab to faqat is intizar mein din ginta hun

kab ek goli mujh ko abadi nind sula de