radif aur qafiye

hañsī kal se mujhe is baat par hai aa rahī ḳhālū

ki ḳhāla kah rahī thiiñ aap kā hai qāfiya aalū

usī din se bahut Darne lagā huuñ aap se ḳhāla

jab ammī ne batāyā aap kā hai qāfiya bhālā

agar pūchhe koī kyā qāfiya hai aap kā phuppī

to fauran sāmne rakh dūñgā lā kar tel kī kuppī

agar shā.ir kaheñ be-qāfiya hai lafz-e-bahnoī

mire bahnoī sar par shā.iroñ ke mārnā Doī

agar pūchhe koī kyā qāfiya hai aap kā daadī

to malmal pheñk denā oḌh lenā sar pe tum khādī

bahut hai ghūmne kā shauq tum ko ai baḌe bhayyā

na maaro to batā duuñ hai tumhārā qāfiya pahiyā

tum apnā qāfiya ḳhud ban ga.ī ho ai merī aapā

nazar lag jā.egī tum sar pe rakh kar ho ho Taapā

tumhārā qāfiya koī nahīñ hai ai nahīf ammī

yahī achchhā hai tum chupke se ban jaao radīf ammī

hansi kal se mujhe is baat par hai aa rahi KHalu

ki KHala kah rahi thin aap ka hai qafiya aalu

usi din se bahut Darne laga hun aap se KHala

jab ammi ne bataya aap ka hai qafiya bhaala

agar puchhe koi kya qafiya hai aap ka phuppi

to fauran samne rakh dunga la kar tel ki kuppi

agar shair kahen be-qafiya hai lafz-e-bahnoi

mere bahnoi sar par shairon ke marna Doi

agar puchhe koi kya qafiya hai aap ka dadi

to malmal phenk dena oDh lena sar pe tum khadi

bahut hai ghumne ka shauq tum ko ai baDe bhayya

na maro to bata dun hai tumhaara qafiya pahiya

tum apna qafiya KHud ban gai ho ai meri aapa

nazar lag jaegi tum sar pe rakh kar ho ho Tapa

tumhaara qafiya koi nahin hai ai nahif ammi

yahi achchha hai tum chupke se ban jao radif ammi