radio

hamāre munne ko chaah thī radio ḳharīdeñ

ki ab hamāre yahāñ farāġhat kī raushnī thī

maiñ apnī derīna tañg-dastī kī dāstāñ us ko kyā sunātā

uThā ke le aayā tañg-o-tārīk koTharī se

qalīl tanḳhvāh ke chihoḌe hue nivāle

aur un meñ merī

nahīf biivī ne apnī do-chār bāqī-māñda shikast-āmez ārzūoñ kā ḳhuun Daalā

na jaane kab se thā pyāre munne ne radio kā ye ḳhvāb paalā

ye ek hafte kī baat hai aur kal se munnā ye kah rahā hai

ye jānvar sub.h-o-shām be-kār boltā hai

muhīb ḳhabroñ kā zahr gītoñ meñ gholtā hai

galī meñ koī faqīr aa.e to us ko de do

mujhe ikannī kā mor le do

hamare munne ko chah thi radio KHariden

ki ab hamare yahan faraghat ki raushni thi

main apni derina tang-dasti ki dastan us ko kya sunata

uTha ke le aaya tang-o-tarik koThari se

qalil tanKHwah ke chihoDe hue niwale

aur un mein meri

nahif biwi ne apni do-chaar baqi-manda shikast-amez aarzuon ka KHun Dala

na jaane kab se tha pyare munne ne radio ka ye KHwab pala

ye ek hafte ki baat hai aur kal se munna ye kah raha hai

ye jaanwar subh-o-sham be-kar bolta hai

muhib KHabron ka zahr giton mein gholta hai

gali mein koi faqir aae to us ko de do

mujhe ikanni ka mor le do