rag-e-jaan

jīvan kā jab pahiya ghūme

aur garmī kā mausam aa.e

pyaas agar mahsūs ho tum ko

mere pyaar kī barf milā kar

ThanDā paanī piinā tum

rut badle jab

aur sāvan aa.e

bārish ho aur ghar se niklo

mere pyaar kī chhatrī le kar

ḳhud ko tum mahfūz samajhnā

aglī rut hai sardī kī

ThanDe ThanDe bistar par

mere pyaar kā kambal le kar

taan ke us ko apne uupar

mīThī niiñd meñ sapne bunte

raat meñ soyā karnā tum

merī nannhī pyārī guḌiyā

beTī tum ho achchhī sī

āte-jāte raste meñ

basta jab schōl kā tum ko

bhārī sā mahsūs agar ho

shānoñ meñ taklīf agar ho

jīvan meñ jab kisī jagah tum

ḳhud ko tanhā paao to

mujh ko bhuul na jaanā tum

maiñ tum meñ jiitā rahtā huuñ

fauran hī aa jā.ūñgā

chupke se bas abbū kahnā

jiwan ka jab pahiya ghume

aur garmi ka mausam aae

pyas agar mahsus ho tum ko

mere pyar ki barf mila kar

ThanDa pani pina tum

rut badle jab

aur sawan aae

barish ho aur ghar se niklo

mere pyar ki chhatri le kar

KHud ko tum mahfuz samajhna

agli rut hai sardi ki

ThanDe ThanDe bistar par

mere pyar ka kambal le kar

tan ke us ko apne upar

miThi nind mein sapne bunte

raat mein soya karna tum

meri nannhi pyari guDiya

beTi tum ho achchhi si

aate-jate raste mein

basta jab school ka tum ko

bhaari sa mahsus agar ho

shanon mein taklif agar ho

jiwan mein jab kisi jagah tum

KHud ko tanha pao to

mujh ko bhul na jaana tum

main tum mein jita rahta hun

fauran hi aa jaunga

chupke se bas abbu kahna