rang-e-guftugu

naaz thā ḳhūbi-e-guftār pe mujh ko lekin

aaj phūloñ ne pukārā mujhe rañg-o-bū se

tū nazar aayā ki patthar bhī zabāñ rakhte haiñ

har makāñ makīnoñ kī hai tafsīr-e-nazar

shaukat-e-shāh kā unvān banā us kā mahal

sañg-e-dīvār ne dī us ke tahaffuz ko zabāñ

jhoñpaḌī ġhurbat-e-mazdūr kī hai marsiyāñ-ḳhvāñ

chīthḌe chīḳhte haiñ jeb kī nādārī par

ābla-pā.ī se aatī hai safar kī ḳhushbū

gard-e-malbūs se miltī hai musāfir kī ḳhabar

kis kī āvāz sunūñ kis kī sadā par bolūñ

naz tha KHubi-e-guftar pe mujh ko lekin

aaj phulon ne pukara mujhe rang-o-bu se

tu nazar aaya ki patthar bhi zaban rakhte hain

har makan makinon ki hai tafsir-e-nazar

shaukat-e-shah ka unwan bana us ka mahal

sang-e-diwar ne di us ke tahaffuz ko zaban

jhonpaDi ghurbat-e-mazdur ki hai marsiyan-KHwan

chithDe chiKHte hain jeb ki nadari par

aabla-pai se aati hai safar ki KHushbu

gard-e-malbus se milti hai musafir ki KHabar

kis ki aawaz sunun kis ki sada par bolun