ras ki khir

ek roz kī baat hai bhaa.ī

ras kī ham ne khiir pakā.ī

pahle ras kā mel nikālā

aur patīlī meñ phir Daalā

degchī phir chūlhe pe chaḌhā.ī

us ke nīche aag jalā.ī

Daale ras meñ chāval suthre

aur chalāyā dhīre dhīre

khich khich kar ke paktī jaatī

ham sab se ye kahtī jaatī

chāval bolo kis ne banāyā

khet meñ gannā kis ne ugāyā

pak kar jab tayyār huī to

tohfa diyā paḌosan b ko

ḳhush ho kar ham sab ne khaa.ī

khiir paḌosan ko bhī bhaa.ī

shukr hai us allāh kā bhaa.ī

jis ne ham ko khiir khilā.ī

ek roz ki baat hai bhai

ras ki hum ne khir pakai

pahle ras ka mel nikala

aur patili mein phir Dala

degchi phir chulhe pe chaDhai

us ke niche aag jalai

Dale ras mein chawal suthre

aur chalaya dhire dhire

khich khich kar ke pakti jati

hum sab se ye kahti jati

chawal bolo kis ne banaya

khet mein ganna kis ne ugaya

pak kar jab tayyar hui to

tohfa diya paDosan b ko

KHush ho kar hum sab ne khai

khir paDosan ko bhi bhai

shukr hai us allah ka bhai

jis ne hum ko khir khilai