rasm-e-id

bahār-e-ḳhushī ik adā se chalī

aaj pahnā hai ġham ne nayā pairahan

ḳhvāhishoñ ke chaman muskurāne lage

regzāroñ meñ chhā jaa.e jaise ghaTā

jaise tārīkiyoñ meñ mile raushnī

rotī āñkheñ bhī ab muskurāne lagīñ

zindagī ke shajar lahlahāne lage

aag har-sū ta.assub kī phailī huī

har taraf chhāyā hai nafratoñ kā dhuāñ

ab fazāoñ kā dāman bhī mailā huā

aise aalam meñ ham ko milī hai ḳhushī

poñchh leñ ashk-e-ġham apnī āñkhoñ se ham

noch leñ apne chehroñ se māyūsiyāñ

aur laboñ pe tabassum sajā.e hue

ḳhair-maqdam kareñ

iid kī rasm kī

haañ lahū meñ nahā.ī huī

iid kā

bahaar-e-KHushi ek ada se chali

aaj pahna hai gham ne naya pairahan

KHwahishon ke chaman muskurane lage

regzaron mein chha jae jaise ghaTa

jaise tarikiyon mein mile raushni

roti aankhen bhi ab muskurane lagin

zindagi ke shajar lahlahane lage

aag har-su tassub ki phaili hui

har taraf chhaya hai nafraton ka dhuan

ab fazaon ka daman bhi maila hua

aise aalam mein hum ko mili hai KHushi

ponchh len ashk-e-gham apni aankhon se hum

noch len apne chehron se mayusiyan

aur labon pe tabassum sajae hue

KHair-maqdam karen

id ki rasm ki

han lahu mein nahai hui

id ka