rat-jagon ka mara waqt
sadiyoñ kā safar tai kar ke
vaqt ke darvāze par pahuñchī to ma.alūm huā
ratjagoñ kā maarā vaqt
din chaḌhe tak so rahā hai
vo jo kabhī rukā nahīñ
kisī ke aage jhukā nahīñ
mere aane se pahle use niiñd kyoñ aa ga.ī
hatheliyoñ pe dastakoñ ke hazār-hā nishān haiñ
aur use ḳhabar nahīñ
shikastagī sameT kar paañv meñ bāñdh laa.ī huuñ
ab ābloñ meñ sakat nahīñ
ye masāfat bhī rā.egāñ na jaa.e kahīñ
mujhe vaqt ko jagānā hai aur use batānā hai
ki maiñ ne umr ke jis tandūr meñ
apne dukh daabe the
vo phir se agnī maañg rahā hai
nīndeñ ab tak sulag rahī haiñ
sadiyon ka safar tai kar ke
waqt ke darwaze par pahunchi to malum hua
ratjagon ka mara waqt
din chaDhe tak so raha hai
wo jo kabhi ruka nahin
kisi ke aage jhuka nahin
mere aane se pahle use nind kyon aa gai
hatheliyon pe dastakon ke hazar-ha nishan hain
aur use KHabar nahin
shikastagi sameT kar panw mein bandh lai hun
ab aablon mein sakat nahin
ye masafat bhi raegan na jae kahin
mujhe waqt ko jagana hai aur use batana hai
ki main ne umr ke jis tandur mein
apne dukh dabe the
wo phir se agni mang raha hai
ninden ab tak sulag rahi hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.