raushni raushni ke KHwab

diloñ meñ dard dimāġhoñ meñ kashmakash kā dhuāñ

jabīñ pe ḳhaak nigāhoñ meñ ġham kī tārīkī

fareb khaa.e haiñ ham ne fareb khāte haiñ

fareb de na sake ham magar zamāne ko

hameñ to fikr yahī hai ki kaun aa.egā

hamāre ba.ad lahū ke diye jalāne ko

vo zindagī jo sabhī ko aziiz hotī hai

ham ahl-e-ġham ke na yuuñ paas aa sakegī kabhī

qadam qadam pe jinheñ justujū ho chāhat kī

unheñ rafīq na duniyā banā sakegī kabhī

ḳhalā meñ DhūñD rahe haiñ ham ik masīhā ko

hatheliyoñ pe aqīdat ke āftāb liye

shu.ūr-o-hosh kī duniyā hai ek muddat se

nazar nazar meñ na.ī raushnī ke ḳhvāb liye

vasī.a dasht-e-tamannā ke surḳh siine par

sulagte dard kā āñchal na sard hogā kabhī

charāġh-e-umr bujhānā to ḳhair mumkin hai

charāġh-e-jehd musalsal na sard hogā kabhī

dhuāñ ugalte añdheroñ meñ raushnī bhar deñ

ragoñ meñ ḳhuun kī gardish ko tez-tar kar deñ

dilon mein dard dimaghon mein kashmakash ka dhuan

jabin pe KHak nigahon mein gham ki tariki

fareb khae hain hum ne fareb khate hain

fareb de na sake hum magar zamane ko

hamein to fikr yahi hai ki kaun aaega

hamare baad lahu ke diye jalane ko

wo zindagi jo sabhi ko aziz hoti hai

hum ahl-e-gham ke na yun pas aa sakegi kabhi

qadam qadam pe jinhen justuju ho chahat ki

unhen rafiq na duniya bana sakegi kabhi

KHala mein DhunD rahe hain hum ek masiha ko

hatheliyon pe aqidat ke aaftab liye

shuur-o-hosh ki duniya hai ek muddat se

nazar nazar mein nai raushni ke KHwab liye

wasia dasht-e-tamanna ke surKH sine par

sulagte dard ka aanchal na sard hoga kabhi

charagh-e-umr bujhana to KHair mumkin hai

charagh-e-jehd musalsal na sard hoga kabhi

dhuan ugalte andheron mein raushni bhar den

ragon mein KHun ki gardish ko tez-tar kar den