raziya-sultana korangi, ke area

us ne jūñ-tūñ paḌhā

paas bhī ho ga.ī

kuchh dinoñ ke liye noveloñ hindī filmoñ chalittar sahelī kī bātoñ

mazedār sapnoñ meñ bhī kho ga.ī

ḳhud-baḳhud apne har shauq se āshnā ho ga.ī

aur phir ek itvār ko

us ke donoñ baḌe bhā.iyoñ bhabiyoñ ne

hisāb aur chūlhe alag jab kiye

us ne ammāñ ko ḳhud-e'timādī se dekhā

ki ab us ke apne dupaTTe qamīs aur shalvār chappal ke joḌe

namak mirch aalū maTar pyaaz lahsan chuqandar TamāTar

podīna, kaḌhī paat zīra, masāle,

chune muuñg maash aur masur, saarī dāleñ

mahīne meñ do baar qiima yā murġhī kā sālan

chhaTī class meñ paḌhne vaale ġhabī chhoTe bhaa.ī kī Tuition

kitāboñ kā ḳharcha

ye sab us akelī kī hai zimmedārī

so jab naukrī DhūñDte DhūñDte arziyāñ dete dete

ka.ī din hue

to use yūnī-centre meñ ik aam sī naukrī mil ga.ī

jab savere nahā kar chamakdār ā.ankhoñ meñ kājal laboñ par lipstick

lagā kar

vo ghar se nikaltī

ghane giile bāloñ se aatī huī garm ḳhushbū se

kitnoñ ke dil Dol jaate

qadam Dagmagāte

vahāñ kaam zyāda thā lekin sab afsar

use dekh kar muskurāte aur izzat se har baat karte

na be-kār meñ DāñTte aur na fāzil savālāt karte

jo ik mehrbānī meñ thā sab se baḌh kar

baḌī tar nigāhoñ se us kī taraf dekhtā

par kabhī kuchh na kahtā

ki is mehrbāñ narm-guftār afsar pe biivī kī bātoñ kā

ik baar rahtā

jise vo baḌī jāñ-fishānī se sahtā

magar vo koī māh-rū bhī nahī thī

so thoḌe bahut khāte-pīte gharoñ se

jo aate to bejoḌ rañDuoñ ke rishte hī aate

koī ittifāqan jo kam-umr hotā

to ḳhvāhish bahut kulbulātī

magar kyā vo kartī

ki aisoñ kī tanḳhvāh bhī kam nikaltī

jo hotī vo aadhī to pahle hī biisī meñ Daltī

so shādī jo kartī to ammāñ ko kyūñkar khilātī

vo chhoTe ko kaise paḌhātī

ye sab soch kar aap hī aap vo muskurātī

baḌī ḳhush-lihāzī se inkār meñ sar hilātī

chhapar-khaT pe ammāñ ke paañv dabātī

vahīñ baiThe baiThe hue uuñgh jaatī

us ne jun-tun paDha

pas bhi ho gai

kuchh dinon ke liye nowelon hindi filmon chalittar saheli ki baaton

mazedar sapnon mein bhi kho gai

KHud-baKHud apne har shauq se aashna ho gai

aur phir ek itwar ko

us ke donon baDe bhaiyon bhabiyon ne

hisab aur chulhe alag jab kiye

us ne amman ko KHud-e'timadi se dekha

ki ab us ke apne dupaTTe qamis aur shalwar chappal ke joDe

namak mirch aalu maTar pyaz lahsan chuqandar TamaTar

podina, kaDhi pat zira, masale,

chune mung mash aur masur, sari dalen

mahine mein do bar qima ya murghi ka salan

chhaTi class mein paDhne wale ghabi chhoTe bhai ki Tuition

kitabon ka KHarcha

ye sab us akeli ki hai zimmedari

so jab naukri DhunDte DhunDte arziyan dete dete

kai din hue

to use yuni-centre mein ek aam si naukri mil gai

jab sawere naha kar chamakdar aaankhon mein kajal labon par lipstick

laga kar

wo ghar se nikalti

ghane gile baalon se aati hui garm KHushbu se

kitnon ke dil Dol jate

qadam Dagmagate

wahan kaam zyaada tha lekin sab afsar

use dekh kar muskuraate aur izzat se har baat karte

na be-kar mein DanTte aur na fazil sawalat karte

jo ek mehrbani mein tha sab se baDh kar

baDi tar nigahon se us ki taraf dekhta

par kabhi kuchh na kahta

ki is mehrban narm-guftar afsar pe biwi ki baaton ka

ek bar rahta

jise wo baDi jaan-fishani se sahta

magar wo koi mah-ru bhi nahi thi

so thoDe bahut khate-pite gharon se

jo aate to bejoD ranDuon ke rishte hi aate

koi ittifaqan jo kam-umr hota

to KHwahish bahut kulbulati

magar kya wo karti

ki aison ki tanKHwah bhi kam nikalti

jo hoti wo aadhi to pahle hi bisi mein Dalti

so shadi jo karti to amman ko kyunkar khilati

wo chhoTe ko kaise paDhati

ye sab soch kar aap hi aap wo muskuraati

baDi KHush-lihazi se inkar mein sar hilati

chhapar-khaT pe amman ke panw dabaati

wahin baiThe baiThe hue ungh jati