regression

ajiib sī sadā sunī

sadā-e-be-riyā sunī

jo nafratoñ ke baab haiñ

jo makr ke sarāb haiñ

jo aql ke javāb haiñ

haqīqatoñ se dūr-tar

hijāb-dar-hijāb haiñ

jo buġhz haiñ inaad haiñ

yaqīñ karo azaab haiñ

azaab sah rahe ho kyoñ

diloñ ke taar joḌ do

ye nafratoñ kī beḌiyāñ

mohabbatoñ se toḌ do

na nafratoñ kā zor ho

na zulmatoñ kā daur ho

na siskiyoñ kā shor ho

na hirs ho na jaur ho

jahān koī aur ho

jafā jahāñ harām ho

vafā kā faiz aam ho

sukūn ho amaan ho

diloñ meñ itmīnān ho

hayāt yuuñ hasīn ho

ki rashk jannateñ kareñ

zamīn vo zamīn ho

samā.atoñ ko chhīn lo

magar mujhe yaqīn hai

ye guuñj phir sunoge tum

palaT ke lauT aa.egī

yahī sadā-e-be-riyā

diloñ ko khaTkhaTā.egī

samā.atoñ ko chhīn lo

magar mujhe yaqīn hai

yaqīn hai yaqīn hai

ye baar baar aa.egī

sunoge baar baar tum

ye aam sī sadā nahīñ

ki ishq bāzgasht hai

ye ishq bāzgasht hai

ye ishq bāzgasht hai

ajib si sada suni

sada-e-be-riya suni

jo nafraton ke bab hain

jo makr ke sarab hain

jo aql ke jawab hain

haqiqaton se dur-tar

hijab-dar-hijab hain

jo bughz hain inad hain

yaqin karo azab hain

azab sah rahe ho kyon

dilon ke tar joD do

ye nafraton ki beDiyan

mohabbaton se toD do

na nafraton ka zor ho

na zulmaton ka daur ho

na siskiyon ka shor ho

na hirs ho na jaur ho

jahan koi aur ho

jafa jahan haram ho

wafa ka faiz aam ho

sukun ho aman ho

dilon mein itminan ho

hayat yun hasin ho

ki rashk jannaten karen

zamin wo zamin ho

samaaton ko chhin lo

magar mujhe yaqin hai

ye gunj phir sunoge tum

palaT ke lauT aaegi

yahi sada-e-be-riya

dilon ko khaTkhaTaegi

samaaton ko chhin lo

magar mujhe yaqin hai

yaqin hai yaqin hai

ye bar bar aaegi

sunoge bar bar tum

ye aam si sada nahin

ki ishq bazgasht hai

ye ishq bazgasht hai

ye ishq bazgasht hai