rehan-siddiqi ki yaad mein

jaane kitne hī rāteñ hoñgī

jaane kitne hī din hoñge

jo tumhārī bedārī aur niiñd meñ

chaa.e kī pyāliyoñ meñ

aur mohabbat karne vāloñ ke diloñ meñ zinda haiñ

maiñ tumhārī āvāz to ab bhī sun rahā huuñ

ka.ī dinoñ se merā phone jo band rahā

vo ab merī ruuh meñ khul gayā hai

aur hamārī rūhoñ ke darmiyān koī fāsla nahīñ

kaun kahtā hai ki tumheñ duniyā pasand nahīñ aa.ī

to tum ne duniyā chhoḌ dī

abhī to tashkīl ke ka.ī safhāt kī tartīb baaqī hai

abhī to tumheñ bahutoñ ke zamīr par paḌe hue

parde uThāne haiñ

abhī to shība oven meñ jo cake tayyār kar rahī hai

use khānā baaqī hai

abhī to injalā tum se merī jo shikāyat karne vaalī hai

ki maiñ ne ye nahīñ kiyā

maiñ ne vo nahīñ kiyā

goyā tumhāre mashvaroñ par

na.e sire se kaan dharnā hai

abhī to ka.ī kaam baaqī haiñ

bhābhī ko banārsī siva.iyāñ tayyār karnī haiñ

abhī to tāsīr tausīf aur शरजील

tumhārī āvāz sunñe ke muntazir haiñ

abhī to mahbūb-'ḳhizāñ' tumheñ abad-ul-abād ke liye

cigarette chhoḌne kā mashvara dene vaale haiñ

maiñ tumhārī āvāz to ab bhī sun rahā huuñ

bāġh-o-bahār aadmī to kabhī nahīñ martā

tumhārī bāġh-o-bahār āvāz to maiñ ab bhī sun rahā huuñ

jaane kitne hi raaten hongi

jaane kitne hi din honge

jo tumhaari bedari aur nind mein

chae ki pyaliyon mein

aur mohabbat karne walon ke dilon mein zinda hain

main tumhaari aawaz to ab bhi sun raha hun

kai dinon se mera phone jo band raha

wo ab meri ruh mein khul gaya hai

aur hamari ruhon ke darmiyan koi fasla nahin

kaun kahta hai ki tumhein duniya pasand nahin aai

to tum ne duniya chhoD di

abhi to tashkil ke kai safhat ki tartib baqi hai

abhi to tumhein bahuton ke zamir par paDe hue

parde uThane hain

abhi to shiba owen mein jo cake tayyar kar rahi hai

use khana baqi hai

abhi to injala tum se meri jo shikayat karne wali hai

ki main ne ye nahin kiya

main ne wo nahin kiya

goya tumhaare mashwaron par

nae sire se kan dharna hai

abhi to kai kaam baqi hain

bhabhi ko banarsi siwaiyan tayyar karni hain

abhi to tasir tausif aur शरजील

tumhaari aawaz sunne ke muntazir hain

abhi to mahbub-'KHizan' tumhein abad-ul-abaad ke liye

cigarette chhoDne ka mashwara dene wale hain

main tumhaari aawaz to ab bhi sun raha hun

bagh-o-bahaar aadmi to kabhi nahin marta

tumhaari bagh-o-bahaar aawaz to main ab bhi sun raha hun