ret

tere ātish-fishānoñ se bahte hue

surḳh-sailāb kī pesh-goī

olympus ke ātish-kade se

sunahrī harārat kī rāhat churā kar

prometheus ke zamīñ par utarne se pahle

bahut pahle tārīḳh ke ġhaar meñ ek

sah-chashme ifrīt ne is kahānī meñ kī thī

jise paḌh ke ḳhud us pe dīvāngī kā vo daura paḌā

ḳhud ko andhā kiyā

phir sunātā rahā dāstāñ andhī tāqat kī

barbādiyoñ par rulātā rahā

aañkh se saat sāgar bahe

ret lekin hamesha kī pyāsī

bujhātī rahī āñsuoñ se mire pyaas kī aag ko

tū nahīñ jāntā ret kī pyaas ko

ret kī bhuuk ko

ret kī bhuuk aisī ki jis meñ samā jaa.eñ

lohā ugalte pahāḌoñ ke sab silsile

pyaas aisī ki jis meñ utar jaa.eñ

saare samundar

tire āñsuoñ ke

magar tere aañsū Tapakne meñ kuchh der hai

der kitnī lagī

hāthiyoñ kī qatāroñ ko

zer-e-zamīñ

tel aur taar bunñe kī mī.ād se ḳhuub vāqif hai tū

tū isī tel kī bū pe pāgal huā

aur dhamaktā dharaptā huā

aa gayā ret ke raaj meñ

vaqt ke aaj meñ

vaqt kā aaj terā hai jis meñ

mirrīḳh o marā.iḳh se aage rasā.ī hai terī

magar ret to par nahīñ tāqat-e-par nahīñ dekhtī

paañv ko taultī hai

kise soltī hai

tere aatish-fishanon se bahte hue

surKH-sailab ki pesh-goi

olympus ke aatish-kade se

sunahri hararat ki rahat chura kar

prometheus ke zamin par utarne se pahle

bahut pahle tariKH ke ghaar mein ek

sah-chashme ifrit ne is kahani mein ki thi

jise paDh ke KHud us pe diwangi ka wo daura paDa

KHud ko andha kiya

phir sunata raha dastan andhi taqat ki

barbaadiyon par rulata raha

aankh se sat sagar bahe

ret lekin hamesha ki pyasi

bujhati rahi aansuon se mere pyas ki aag ko

tu nahin jaanta ret ki pyas ko

ret ki bhuk ko

ret ki bhuk aisi ki jis mein sama jaen

loha ugalte pahaDon ke sab silsile

pyas aisi ki jis mein utar jaen

sare samundar

tere aansuon ke

magar tere aansu Tapakne mein kuchh der hai

der kitni lagi

hathiyon ki qataron ko

zer-e-zamin

tel aur tar bunne ki miad se KHub waqif hai tu

tu isi tel ki bu pe pagal hua

aur dhamakta dharapta hua

aa gaya ret ke raj mein

waqt ke aaj mein

waqt ka aaj tera hai jis mein

mirriKH o maraiKH se aage rasai hai teri

magar ret to par nahin taqat-e-par nahin dekhti

panw ko taulti hai

kise solti hai