rijaiyat ki himayat mein

be-irāda chaleñge to lā-hāsilī ke masā.ib se bach jā.eñge

tum kahoge koī phuul rakh dūsre haat par

dil hī dil meñ maiñ ro dūñgā is baat par

maiñ kahūñgā

nahīñ kuchh na kah pā.ūñgā

qahqaha maar kar bas hañsūñgā tumheñ bhī hañsī aa.egī

be-irāda yūñhī

be-irāda hañseñge yūñhī der tak

phir ḳhayāl ā.egā: tum ne ik baat mujh se kahī thī

batāo: vo kyā baat thī

tum kahoge haTāo bhulā do use

aao chal deñ yūñhī

be-irāda kahīñ

bhuul jaa.eñ ki us ke gunāhgār haiñ

us ke qātil haiñ ham

bhuul jaa.eñ ki apnī sazā maut hai

be-irada chalenge to la-hasili ke masaib se bach jaenge

tum kahoge koi phul rakh dusre hat par

dil hi dil mein main ro dunga is baat par

main kahunga

nahin kuchh na kah paunga

qahqaha mar kar bas hansunga tumhein bhi hansi aaegi

be-irada yunhi

be-irada hansenge yunhi der tak

phir KHayal aaega: tum ne ek baat mujh se kahi thi

batao: wo kya baat thi

tum kahoge haTao bhula do use

aao chal den yunhi

be-irada kahin

bhul jaen ki us ke gunahgar hain

us ke qatil hain hum

bhul jaen ki apni saza maut hai