riwayat shikan

faiz le kar 'mīr' se aaya huā

dekhiye ik shaḳhs itrāyā huā

har suḳhanvar se yahī kahtā hai ab

mustanad hai merā farmāyā huā

māntā huuñ ye bajā hai Thiik hai

us ne jo jitnā kahā hai Thiik hai

ye nayā uslūb laa.e kis tarah

sher meñ jiddat dikhā.e kis tarah

us kā har ik lafz hai māñgā huā

ya.anī ab Tak jo kahā hai bhiik hai

us pe khulte hī nahīñ ġham baad ke

ahd-o-asr-e-ḳhānamāñ-barbād ke

'mīr'-o-'ġhālib' kā zamāna aur hai

ahd-e-hāzir kā fasāna aur hai

us ko kyā ma.alūm kyā se kyā hue

haa.e kitne hashr haiñ barpā hue

us ko kyā ma.alūm ġhurbat kī ghaḌī

ḳhvāb saare ek pal meñ mar ga.e

us ko kyā ma.alūm chhin jaane kā ġham

jaan se pyāre bhī apne na rahe

us ko kyā ma.alūm hai aqsā kā dukh

jab nihāttoñ par bhī missile chale

us ko kyā ma.alūm ki kashmīr meñ

kis tarah se maaoñ ke beTe kaTe

us ko kyā ma.alūm sunāmī kā din

shahr pal meñ duub kar maidāñ bane

us ko kyā ma.alūm nau gyārah ke baad

kis tarah ke zulm the Dhaa.e ga.e

us ko kyā ma.alūm bam ke zor par

jurm mazlūmoñ se manvā.e ga.e

us ko kyā ma.alūm kārobār hai

jang kā maidān bikte aslahe

ham sunā.eñ gar hurūf-e-āgahī

bhuul jaa.e har dalīl-e-shā.erī

uñgliyāñ kānoñ meñ de kar zor se

chīḳh maare aur mar jaa.e abhī

faiz le kar 'mir' se aaya hua

dekhiye ek shaKHs itraya hua

har suKHanwar se yahi kahta hai ab

mustanad hai mera farmaya hua

manta hun ye baja hai Thik hai

us ne jo jitna kaha hai Thik hai

ye naya uslub lae kis tarah

sher mein jiddat dikhae kis tarah

us ka har ek lafz hai manga hua

yani ab Tak jo kaha hai bhik hai

us pe khulte hi nahin gham baad ke

ahd-o-asr-e-KHanaman-barbaad ke

'mir'-o-'ghaalib' ka zamana aur hai

ahd-e-hazir ka fasana aur hai

us ko kya malum kya se kya hue

hae kitne hashr hain barpa hue

us ko kya malum ghurbat ki ghaDi

KHwab sare ek pal mein mar gae

us ko kya malum chhin jaane ka gham

jaan se pyare bhi apne na rahe

us ko kya malum hai aqsa ka dukh

jab nihatton par bhi missile chale

us ko kya malum ki kashmir mein

kis tarah se maon ke beTe kaTe

us ko kya malum sunami ka din

shahr pal mein dub kar maidan bane

us ko kya malum nau gyarah ke baad

kis tarah ke zulm the Dhae gae

us ko kya malum bam ke zor par

jurm mazlumon se manwae gae

us ko kya malum karobar hai

jang ka maidan bikte aslahe

hum sunaen gar huruf-e-agahi

bhul jae har dalil-e-shaeri

ungliyan kanon mein de kar zor se

chiKH mare aur mar jae abhi