riwayati mohabbat

jhukī jhukī nazroñ se pustakoñ

ko siine se lagā.e

dhak dhak karte dil ko sambhāle

kahīñ āñkheñ chaar na ho jaa.eñ

lab meñ chor-nazar se ghuste

ki aaj to darshan ho jaa.eñ

par mad-hoshī kā aalam to dekheñ ki

nazreñ milīñ to shāyad behosh ho jaa.eñ

email par khule aam ḳhat kī baat nahīñ ye

vo kachre meñ pheñkā kāġhaz bhī ka.ī tahoñ

meñ lagā kar siine meñ chhupā.eñ

koī jaan na le hamārī is ḳhāmosh mohabbat ko

soch is ḳhayāl se hī laal ho jaa.e

chhup-chhup kar rāshī-phal paḌhte

ki shāyad aaj mulāqāt ho jaa.e

hoñToñ ko siye chup-chāp ghūmte

ki bhuul se terā naam bhī laboñ par na aa jaa.e

aisī thiiñ vo mohabbateñ jahāñ banā dekhe

ka.ī sadiyāñ guzar jaa.eñ

jhuki jhuki nazron se pustakon

ko sine se lagae

dhak dhak karte dil ko sambhaale

kahin aankhen chaar na ho jaen

lab mein chor-nazar se ghuste

ki aaj to darshan ho jaen

par mad-hoshi ka aalam to dekhen ki

nazren milin to shayad behosh ho jaen

email par khule aam KHat ki baat nahin ye

wo kachre mein phenka kaghaz bhi kai tahon

mein laga kar sine mein chhupaen

koi jaan na le hamari is KHamosh mohabbat ko

soch is KHayal se hi lal ho jae

chhup-chhup kar rashi-phal paDhte

ki shayad aaj mulaqat ho jae

honTon ko siye chup-chap ghumte

ki bhul se tera nam bhi labon par na aa jae

aisi thin wo mohabbaten jahan bana dekhe

kai sadiyan guzar jaen