roTi

paḌosī kī bakrī ne

phir ghar meñ ghus kar

koī chiiz khā lī

biivī ne sar pe qayāmat uThā lī

munne ko

rone meñ jaise mazā aa rahā hai

barābar vo ro.e chalā jā rahā hai

faqīr ab bhī chaukhaT se chipkā huā hai

vahī roz vaalī duā de rahā hai

roTī ke jalne kī bū

aur ammāñ kī chīḳhoñ se

ghar bhar gayā hai

pinjre meñ chakrāte miTThū kī āvāz

'roTī do

bī-bī jī roTī do'

is shor meñ kho ga.ī hai

roTī tave par bhasam ho ga.ī hai

paDosi ki bakri ne

phir ghar mein ghus kar

koi chiz kha li

biwi ne sar pe qayamat uTha li

munne ko

rone mein jaise maza aa raha hai

barabar wo roe chala ja raha hai

faqir ab bhi chaukhaT se chipka hua hai

wahi roz wali dua de raha hai

roTi ke jalne ki bu

aur amman ki chiKHon se

ghar bhar gaya hai

pinjre mein chakraate miTThu ki aawaz

'roTi do

bi-bi ji roTi do'

is shor mein kho gai hai

roTi tawe par bhasam ho gai hai