roza-KHor se inTerwiew

maiñ ne inTerview kiyā kal ek roza-ḳhor se

maiñ zabāñ se boltā thā vo shikam ke zor se

maiñ ne pūchhā aap ne roza ye kyuuñ rakkhā nahīñ

peT dikhlāne lagā bolā ki yuuñ rakhā nahīñ

roza yuuñ rakkhā nahīñ chaltī nahīñ bād-e-sabā

mausam-e-garmā meñ roze aa.e haiñ is martaba

job karnī hai zarūrī kaam karnā hai mujhe

cock pizza ke sahāre shaam karnā hai mujhe

maiñ ne lassī ke gilāsoñ meñ piyā kuchh aur hai

dopahar meñ murġh khāne kā mazā kuchh aur hai

din meñ khāne ke liye iqrār kar letā huuñ maiñ

shaam ko masjid meñ bhī iftār kar letā huuñ maiñ

koī shai khāte hue maiñ ne chhupā.ī hī nahīñ

aaj tak merī huī roza-kushā.ī hī nahīñ

roza-ḳhorī par mirī duniyā ko hairānī nahīñ

roza yuuñ rakkhā nahīñ bijlī nahīñ paanī nahīñ

maiñ jo be-roza huuñ ye bhī tajiroñ kā zarf hai

sau ruupe ujrat hai merī sau ruupe kā barf hai

rūh-afzā ke binā duniyā kī hūreñ rah ga.iiñ

roza-dāroñ ke liye sūkhī khajūreñ rah ga.iiñ

roza yuuñ rakkhā nahīñ ho jā.egā khānā ḳharāb

lunch par aa.egī kal hotel meñ rashk-e-māhtāb

maiñ huuñ shā.er mehrbāñ hai mujh pe ḳhallāq-e-azal

pesh karnī hai mujhe mahfil meñ ik taaza ġhazal

ajr-e-roza kyā hai ye sheroñ meñ batlā.ūñgā maiñ

lunch maiñ iftār kī tashrīh ban jā.ūñgā maiñ

bhuuk aur shā.er kā chūñ-kī cholī-dāman kā hai saath

mujh se baḌh ke jāntā hai kaun roza kī sifāt

pañdrah ghanTe kā roza har javān o piir kā

shaam karnā sub.h kā laanā hai jū-e-shīr kā

main ne inTerwiew kiya kal ek roza-KHor se

main zaban se bolta tha wo shikam ke zor se

main ne puchha aap ne roza ye kyun rakkha nahin

peT dikhlane laga bola ki yun rakha nahin

roza yun rakkha nahin chalti nahin baad-e-saba

mausam-e-garma mein roze aae hain is martaba

job karni hai zaruri kaam karna hai mujhe

cock pizza ke sahaare sham karna hai mujhe

main ne lassi ke gilason mein piya kuchh aur hai

dopahar mein murgh khane ka maza kuchh aur hai

din mein khane ke liye iqrar kar leta hun main

sham ko masjid mein bhi iftar kar leta hun main

koi shai khate hue main ne chhupai hi nahin

aaj tak meri hui roza-kushai hi nahin

roza-KHori par meri duniya ko hairani nahin

roza yun rakkha nahin bijli nahin pani nahin

main jo be-roza hun ye bhi tajiron ka zarf hai

sau rupe ujrat hai meri sau rupe ka barf hai

ruh-afza ke bina duniya ki huren rah gain

roza-daron ke liye sukhi khajuren rah gain

roza yun rakkha nahin ho jaega khana KHarab

lunch par aaegi kal hotel mein rashk-e-mahtab

main hun shaer mehrban hai mujh pe KHallaq-e-azal

pesh karni hai mujhe mahfil mein ek taza ghazal

ajr-e-roza kya hai ye sheron mein batlaunga main

lunch main iftar ki tashrih ban jaunga main

bhuk aur shaer ka chun-ki choli-daman ka hai sath

mujh se baDh ke jaanta hai kaun roza ki sifat

pandrah ghanTe ka roza har jawan o pir ka

sham karna subh ka lana hai ju-e-shir ka