rubai kya hai

hai rubā.ī rub.a se bachcho suno

chaar misroñ ko tum is ke pahchān lo

haiñ rubā.ī ke auzān hī kuchh alag

jāntā hai ise urdu vāloñ kā jag

kartī hai ye nasīhat kī bāteñ bahut

is meñ haiñ bas sadāqat kī bāteñ bahut

is kā ik vazn maḳhsūs hai dosto

qit.e se hai rubā.ī alag jaan lo

haañ rubā.ī to fāras kī ījād hai

fārsī aur urdu meñ ābād hai

haiñ rubā.ī ke urdu meñ shā.ir bahut

'josh'-o-'amjad' bhī Thahre haiñ māhir bahut

tum bhī 'hāfiz' rubā.ī kaho baar baar

laao bachchoñ kī nazmoñ meñ taaza bahār

hai rubai ruba se bachcho suno

chaar misron ko tum is ke pahchan lo

hain rubai ke auzan hi kuchh alag

jaanta hai ise urdu walon ka jag

karti hai ye nasihat ki baaten bahut

is mein hain bas sadaqat ki baaten bahut

is ka ek wazn maKHsus hai dosto

qite se hai rubai alag jaan lo

han rubai to faras ki ijad hai

farsi aur urdu mein aabaad hai

hain rubai ke urdu mein shair bahut

'josh'-o-'amjad' bhi Thahre hain mahir bahut

tum bhi 'hafiz' rubai kaho bar bar

lao bachchon ki nazmon mein taza bahaar