ruh-e-aziyyat-KHurda

zaḳhmoñ ke ambār, dar-o-dīvār bhī

suune lagte haiñ

ḳhushiyoñ ke dariyā meñ itnī choT lagī

ki ab is meñ chalte rahnā dushvār huā

saḌkoñ par chalte phirte shādāb se chehre suukh ga.e

vo mausam jis ko aanā thaa, vo aa bhī gayā

aur chhā bhī gayā

ashjār ke niile goshoñ se ab zahr sā ristā rahtā hai

gulzār ḳhizāñ ke sho.aloñ meñ har lamha sulagtā rahtā hai

is ḳhvāb-e-pareshāñ meñ kab tak

is rūh-e-aziyyat-ḳhūda ko tum qaid rakhoge

chhoḌ bhī do!

is rūh-e-aziyyat-ḳhūda ko

zaKHmon ke ambar, dar-o-diwar bhi

sune lagte hain

KHushiyon ke dariya mein itni choT lagi

ki ab is mein chalte rahna dushwar hua

saDkon par chalte phirte shadab se chehre sukh gae

wo mausam jis ko aana tha, wo aa bhi gaya

aur chha bhi gaya

ashjar ke nile goshon se ab zahr sa rista rahta hai

gulzar KHizan ke shoalon mein har lamha sulagta rahta hai

is KHwab-e-pareshan mein kab tak

is ruh-e-aziyyat-KHuda ko tum qaid rakhoge

chhoD bhi do!

is ruh-e-aziyyat-KHuda ko