ruh ka ahd-nama

vo lamha

vo ik lamha-e-narm-o-shīrīñ

ki jab apne āñgan meñ ik phuul mahkā

ki jab tum ne ta.amīr kī apne qadmoñ tale pahlī jannat

ki jab pyaar chhalkātī āñkheñ tumhārī huiiñ āshnā māmtā se

ki jab tum ne ik ḳhūbsūrat sā ā.īna mujh ko diyā thā

ki jab apne hone kā ehsās jaagā thā dil meñ

vahī lamha-e-narm thā

jab badan ke ta.alluq se ham donoñ aage baḌhe the

vahī lamha-e-mo'atabar

jaañ kī vābastagī kī bashārat

vahī lamha-e-mohtaram

ruuh kā ahd-nāma

wo lamha

wo ek lamha-e-narm-o-shirin

ki jab apne aangan mein ek phul mahka

ki jab tum ne tamir ki apne qadmon tale pahli jannat

ki jab pyar chhalkati aankhen tumhaari huin aashna mamta se

ki jab tum ne ek KHubsurat sa aaina mujh ko diya tha

ki jab apne hone ka ehsas jaga tha dil mein

wahi lamha-e-narm tha

jab badan ke talluq se hum donon aage baDhe the

wahi lamha-e-mo'atabar

jaan ki wabastagi ki bashaarat

wahi lamha-e-mohtaram

ruh ka ahd-nama