saat-e-aghaz ki be-manawiyyat

saarī be-ma.anaviyyat sā.at-e-āġhāz meñ thī

jab havā garm huī

sā.ebānī ke liye dhuup meñ ek patthar thā

safar āġhāz kiyā

raat a.asāb-shikan laa.ī thī bistar pe use

vo bhī dīvār banā jis pe girī thī dīvār

koī dam baiTh liye

phir safar āġhāz kiyā

dil ne chāhā thā ki ro leñ magar ab kyā ronā

dauḌ kī āḳhirī had par bhī koī rotā hai

haañ magar vo jo abhī sā.at-e-āġhāz meñ hai

dauḌ kī āḳhirī had jis ke liye raaz meñ hai

sari be-manawiyyat saat-e-aghaz mein thi

jab hawa garm hui

saebani ke liye dhup mein ek patthar tha

safar aaghaz kiya

raat aasab-shikan lai thi bistar pe use

wo bhi diwar bana jis pe giri thi diwar

koi dam baiTh liye

phir safar aaghaz kiya

dil ne chaha tha ki ro len magar ab kya rona

dauD ki aaKHiri had par bhi koi rota hai

han magar wo jo abhi saat-e-aghaz mein hai

dauD ki aaKHiri had jis ke liye raaz mein hai