سانحہ
پتے پتے کے لب پر یہی تھی صدا
یہ ہواؤں پہ بھی صاف تحریر تھا
کئی رت بہاروں کی پھولوں کا موسم گیا
میں مگر آنکھ موندے ہوئے وہم اس کو سمجھتا رہا
جو نہ ہونا تھا وہ سانحہ ہو گیا
شک کی دیمک یقیں کے ستوں کھا گئی
اعتماد و محبت کے گھر بے یقینی کی دیوار سے بٹ گئے
ساتھ چلتے تھے جو راستے ہٹ گئے
جو نہ ہونا تھا وہ سانحہ ہو گیا
اور میں وہم اس کو سمجھتا رہا
کھل چکے ہیں حقائق کے در
صاف سب آ رہا ہے نظر
جانتا ہوں کہ وہم یہ نہیں ہے مگر
چاہتا ہوں اسے وہم کہتا رہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.