saneha

patte patte ke lab par yahī thī sadā

ye havāoñ pe bhī saaf tahrīr thā

ka.ī rut bahāroñ kī phūloñ kā mausam gayā

maiñ magar aañkh mūñde hue vahm is ko samajhtā rahā

jo na honā thā vo sāniha ho gayā

shak kī dīmak yaqīñ ke sutūñ khā ga.ī

e'timād-o-mohabbat ke ghar be-yaqīnī kī dīvār se baT ga.e

saath chalte the jo rāste haT ga.e

jo na honā thā vo sāniha ho gayā

aur maiñ vahm is ko samajhtā rahā

khul chuke haiñ haqā.eq ke dar

saaf sab aa rahā hai nazar

jāntā huuñ ki vahm ye nahīñ hai magar

chāhtā huuñ ise vahm kahtā rahūñ

patte patte ke lab par yahi thi sada

ye hawaon pe bhi saf tahrir tha

kai rut bahaaron ki phulon ka mausam gaya

main magar aankh munde hue wahm is ko samajhta raha

jo na hona tha wo saniha ho gaya

shak ki dimak yaqin ke sutun kha gai

e'timad-o-mohabbat ke ghar be-yaqini ki diwar se baT gae

sath chalte the jo raste haT gae

jo na hona tha wo saniha ho gaya

aur main wahm is ko samajhta raha

khul chuke hain haqaeq ke dar

saf sab aa raha hai nazar

jaanta hun ki wahm ye nahin hai magar

chahta hun ise wahm kahta rahun