sab ki KHair

ḳhair kā dars ham tak

pahāḌoñ meñ bahte hue pāniyoñ meñ se hotā huā

ek ḳhāmosh lamhe meñ miltā rahā

nā-ḳhudā apnī kashtī kā chappū pakaḌte hue

giḌgiḌāte hue us ḳhudā se

zamān-o-makāñ ke safar tak

kā ik rāsta chāhtā hai

aise rastoñ kī ḳhair

jin pe chalte hue sab ke sab

be-ḳhatar haiñ aur un ke qadam Dagmagāte nahīñ

un parindoñ kī ḳhair

ghoñsloñ meñ jo tez āñdhiy.oñ meñ kabhī phaḌ.phaḌāte nahīñ

un buzurgoñ kī ḳhair

jo musībat meñ bhī vird-rabb-e-ta'ālā se ġhāfil nahīñ

un makānoñ kī ḳhair

jin meñ raushan diye āḳhirī saañs lete hue

bujh ga.e

ḳhair sayyāroñ kī

jo ḳhudā ke batā.e hue rāstoñ par safar karte karte nahīñ thak rahe

aisī bahnoñ kī ḳhair

jin kī 'izzat ko vahshī uḌā le ga.e

aisī maaoñ kī ḳhair

apne bachchoñ ko jo ḳhair kā dars detī rahīñ

jaane vāloñ kī ḳhair aane vāloñ kī ḳhair

sab zamānoñ kī ḳhair

muskurāte hue aise logoñ kī ḳhair

jin ke dil ġham kī dahshat se larzāñ ga.e

un sitāroñ kī ḳhair

gum-shuda qāfiloñ ko jo raste batāte hue

bujh ga.e

chaak par rakkhe aise vajūdoñ kī ḳhair

apne ḳhāliq kī ḳhvāhish pe

jaise banā.e ga.e ban ga.e

maiñ kahāñ tak izāla karūñ

aisī rūhoñ kī ḳhair

jo ḳhudā se ta'alluq nibhāte hue

apnī parvāz se thak ke girtī nahīñ

KHair ka dars hum tak

pahaDon mein bahte hue paniyon mein se hota hua

ek KHamosh lamhe mein milta raha

na-KHuda apni kashti ka chappu pakaDte hue

giDgiDate hue us KHuda se

zaman-o-makan ke safar tak

ka ek rasta chahta hai

aise raston ki KHair

jin pe chalte hue sab ke sab

be-KHatar hain aur un ke qadam Dagmagate nahin

un parindon ki KHair

ghonslon mein jo tez aandhiyon mein kabhi phaDphaDate nahin

un buzurgon ki KHair

jo musibat mein bhi wird-rabb-e-ta'ala se ghafil nahin

un makanon ki KHair

jin mein raushan diye aaKHiri sans lete hue

bujh gae

KHair sayyaron ki

jo KHuda ke batae hue raston par safar karte karte nahin thak rahe

aisi bahnon ki KHair

jin ki 'izzat ko wahshi uDa le gae

aisi maon ki KHair

apne bachchon ko jo KHair ka dars deti rahin

jaane walon ki KHair aane walon ki KHair

sab zamanon ki KHair

muskuraate hue aise logon ki KHair

jin ke dil gham ki dahshat se larzan gae

un sitaron ki KHair

gum-shuda qafilon ko jo raste batate hue

bujh gae

chaak par rakkhe aise wajudon ki KHair

apne KHaliq ki KHwahish pe

jaise banae gae ban gae

main kahan tak izala karun

aisi ruhon ki KHair

jo KHuda se ta'alluq nibhate hue

apni parwaz se thak ke girti nahin