sab logon se aage baDh

jūñhī sūraj chaḌhtā hai

chūza uTh kar paḌhtā hai

chūñ-chūñ chūñ-chūñ

chūñ-chūñ chūñ-chūñ

pahle bismillāh kahūñ

phir maiñ apnā sabaq paḌhūñ

sub.h savere uThte hī

apne rab ko yaad karūñ

khāne piine se pahle

choñch ragaḌ kar saaf karūñ

itnā to hai yaad mujhe

ammī aage kyā sīkhūñ

murġhī kaT kaT kartī hai

ḳhush ho kar yuuñ kahtī hai

merā chū chū shaad rahe

shaad rahe ābād rahe

paḌhne hī se 'izzat hai

baat ye beTā yaad rahe

jāhil log zamāne meñ

ḳhvār hue barbād rahe

sīkheñ aur sikhā.eñ jo

ban kar vo ustād rahe

bas tū bhī mehnat se paḌh

sab logoñ se aage baḌh

junhi suraj chaDhta hai

chuza uTh kar paDhta hai

chun-chun chun-chun

chun-chun chun-chun

pahle bismillah kahun

phir main apna sabaq paDhun

subh sawere uThte hi

apne rab ko yaad karun

khane pine se pahle

chonch ragaD kar saf karun

itna to hai yaad mujhe

ammi aage kya sikhun

murghi kaT kaT karti hai

KHush ho kar yun kahti hai

mera chu chu shad rahe

shad rahe aabaad rahe

paDhne hi se 'izzat hai

baat ye beTa yaad rahe

jahil log zamane mein

KHwar hue barbaad rahe

sikhen aur sikhaen jo

ban kar wo ustad rahe

bas tu bhi mehnat se paDh

sab logon se aage baDh