saba akbar aabaadi

mashshātgī-e-gesū-e-fan muddatoñ huī

ārā.ish-e-urūs-e-suḳhan muddatoñ huī

dast-e-sabā fazā-e-adab par rahā muhīt

tahzīb-e-sakinān-e-chaman muddatoñ huī

taz.īn-e-bostān-e-vatan muddatoñ huī

asnāf-e-shā.erī nazar aatī haiñ be-asās

fann-e-rubā.iyāt bhī hai aaj harf-e-yās

ab marsiya bhī marsiya-ḳhvānī kiyā kare

hazrat-'sabā' kī yaad meñ hai anjuman udaas

doshīza-e-ġhazal ko hai hadd-e-adab kā paas

ab tez-tar hai dhuup koī sā.ebāñ nahīñ

jaa.eñ kahāñ tuyūr koī āshiyāñ nahīñ

ruk kar mile panāh bujhe tishnagī jahāñ

raste meñ apne ab koī aisā makāñ nahīñ

shahr-e-'sabā' meñ ab koī pīr-e-muġhāñ nahīñ

mashshatgi-e-gesu-e-fan muddaton hui

aaraish-e-urus-e-suKHan muddaton hui

dast-e-saba faza-e-adab par raha muhit

tahzib-e-sakinan-e-chaman muddaton hui

tazin-e-bostan-e-watan muddaton hui

asnaf-e-shaeri nazar aati hain be-asas

fann-e-rubaiyat bhi hai aaj harf-e-yas

ab marsiya bhi marsiya-KHwani kiya kare

hazrat-'saba' ki yaad mein hai anjuman udas

doshiza-e-ghazal ko hai hadd-e-adab ka pas

ab tez-tar hai dhup koi saeban nahin

jaen kahan tuyur koi aashiyan nahin

ruk kar mile panah bujhe tishnagi jahan

raste mein apne ab koi aisa makan nahin

shahr-e-'saba' mein ab koi pir-e-mughan nahin