sach

azal se us kī saltanat ko koī māntā nahīñ

jo dil meñ aa ke jhāñk le to jaise jāntā nahīñ

par ab to maan jhuuT kī nafī na kar

nafī na kar ki jhuuT hai

sach kī saarī saltanat kā vāsta

nafī na kar ki jhuuT hai

nutq par ḳhitāb meñ

āb-o-ḳhāk-o-bād meñ

muāmle mukālme takallufat-o-hādse

maiñ dost yaar mehrbāñ

khet khet reñgtā hai jhuuT bahte aab meñ

sīñchtā hai nuur jhuuT shahr ke makān meñ

bhāgtā hai tez tez jhuuT tez kaar meñ

jhuuT kaale harf kī buland baañg surḳhiyāñ

jhuuT ahd-e-kuhna kī dabīz lan-tarāniyāñ

jhuuT is liye ki sach kā duur tak pata nahīñ

ye terā sirf vahm hai maiñ sach se bad-gumāñ nahīñ

har ik naqīb sach kā lahke jhuuT ke alaav meñ

gumāñ ko ḳhisht kar ke sach kī niiv Dāltā rahā hai

jhuuT kī nafī na kar

ki sach kī dūdhiyā lakīr duur jhilmilā sake

azal se us ki saltanat ko koi manta nahin

jo dil mein aa ke jhank le to jaise jaanta nahin

par ab to man jhuT ki nafi na kar

nafi na kar ki jhuT hai

sach ki sari saltanat ka wasta

nafi na kar ki jhuT hai

nutq par KHitab mein

aab-o-KHak-o-baad mein

muamle mukalme takallufat-o-hadse

main dost yar mehrban

khet khet rengta hai jhuT bahte aab mein

sinchta hai nur jhuT shahr ke makan mein

bhagta hai tez tez jhuT tez kar mein

jhuT kale harf ki buland bang surKHiyan

jhuT ahd-e-kuhna ki dabiz lan-taraniyan

jhuT is liye ki sach ka dur tak pata nahin

ye tera sirf wahm hai main sach se bad-guman nahin

har ek naqib sach ka lahke jhuT ke alaw mein

guman ko KHisht kar ke sach ki niw Dalta raha hai

jhuT ki nafi na kar

ki sach ki dudhiya lakir dur jhilmila sake