sada-e-gumbad-e-be-rauzan-o-dar

kaisī āvāz hai

koī kahtā hai

ye dasht maujūd-o-mash.hūr-o-mauhūm bas

had idrāk-o-ehsās-o-āvāz tak hī nahīñ

chashm-o-dil kā ye taa.ir jise

sair-e-parvāz samjhe ho majbūr hai

musht-e-par sar-burīda-o-pāband hī

us kā sarmāya hai jis pe maġhrūr hai

tā-ba-hadd-e-ḳhirad tā-ba-hadd-e-junūñ

jo bhī hai hech-o-be-māya hai

kyā ġharaz is se

ye kyā hai kaisā hai kab se hai kab tak rahegā

use bhuul jaao ki tum ḳhud harīf-e-ḳhudāvand-e-āfāq ho

in savālāt meñ ḳhud tumhārī hī tauhīn hai

tum dil-e-arsh-e-āsār kā ā.īna le ke aa.e ho

jis meñ ka.ī rañg kī

tez-rau sust-rau shoḳh maddham sajal mustaqil muttasil

muntashir munfa.il munqasim saada pechīda mub.ham gurāb-i-subuk

nek-o-manhūs

maujūd-o-mash.hūr-o-mauhūm parchhā.iyāñ

yuuñ guzartī haiñ

jaise koī

dhīre dhīre se palkoñ ko chhūtā rahe ḳhvāb meñ

kaun hai kaun hai

māvarā-e-ḳhirad

māvarā-e-junūñ

māvarā-e-nazar

māvarā-e-nafas

muntazir muztarib

apnī sūrat dikhāne ko bechain hai

kaisī āvāz hai jo azal se ta.āqub meñ hai

mere lahje kā īmān us ke taḳhātub meñ hai

ye kahīñ merī āvāz hī to nahīñ

maiñ mujhī ko sadā de rahā huuñ baḌī der se

baḌī duur se

maiñ hī apnā harīf-e-azal

maiñ hī apnā harīf-e-abad

mujh ko merā pata do ki maiñ

apnī āvāz kī guuñj huuñ

kaisi aawaz hai

koi kahta hai

ye dasht maujud-o-mashhur-o-mauhum bas

had idrak-o-ehsas-o-awaz tak hi nahin

chashm-o-dil ka ye tair jise

sair-e-parwaz samjhe ho majbur hai

musht-e-par sar-burida-o-paband hi

us ka sarmaya hai jis pe maghrur hai

ta-ba-hadd-e-KHirad ta-ba-hadd-e-junun

jo bhi hai hech-o-be-maya hai

kya gharaz is se

ye kya hai kaisa hai kab se hai kab tak rahega

use bhul jao ki tum KHud harif-e-KHudawand-e-afaq ho

in sawalat mein KHud tumhaari hi tauhin hai

tum dil-e-arsh-e-asar ka aaina le ke aae ho

jis mein kai rang ki

tez-rau sust-rau shoKH maddham sajal mustaqil muttasil

muntashir munfail munqasim sada pechida mubham gurab-i-subuk

nek-o-manhus

maujud-o-mashhur-o-mauhum parchhaiyan

yun guzarti hain

jaise koi

dhire dhire se palkon ko chhuta rahe KHwab mein

kaun hai kaun hai

mawara-e-KHirad

mawara-e-junun

mawara-e-nazar

mawara-e-nafas

muntazir muztarib

apni surat dikhane ko bechain hai

kaisi aawaz hai jo azal se taaqub mein hai

mere lahje ka iman us ke taKHatub mein hai

ye kahin meri aawaz hi to nahin

main mujhi ko sada de raha hun baDi der se

baDi dur se

main hi apna harif-e-azal

main hi apna harif-e-abad

mujh ko mera pata do ki main

apni aawaz ki gunj hun