safa aur sidq ke beTe

purānī baat hai

lekin ye anhonī sī lagtī hai

savād-e-sharq kā ik shahr

tārīkī meñ Duubā thā

achānak shor sā uTThā

zamīñ jaise taḌaḳh jaa.e

nadī meñ baaḌh aa jaa.e

koī koh-e-girāñ jaise jagah se apnī haT jaa.e

baḌā kohrām thā

ḳhilqat

matā-o-māl se mahrūm nañge sar

gharoñ se chīḳh kar niklī

magar āl-e-safā-o-sidq ke ḳheme nahīñ ukhḌe

vo apnī ḳhvāb-gāhoñ se nahīñ nikle

rivāyat hai

safā-o-sidq ke beTe

hamesha raat aate hī

hisār-e-hamd

apne chaar jānib khīñch lete the

muqaddas āyatoñ ko apne pe dam kar ke sote the

rivāyat hai

balā.eñ un ke darvāzoñ se

vāpas lauT jaatī thiiñ

savād-e-sharq kā vo shahr

us shab Dher thā lekin

safā-o-sidq kī aulād ke ḳheme nahīñ ukhḌe

purani baat hai

lekin ye anhoni si lagti hai

sawad-e-sharq ka ek shahr

tariki mein Duba tha

achanak shor sa uTTha

zamin jaise taDaKH jae

nadi mein baDh aa jae

koi koh-e-giran jaise jagah se apni haT jae

baDa kohram tha

KHilqat

mata-o-mal se mahrum nange sar

gharon se chiKH kar nikli

magar aal-e-safa-o-sidq ke KHeme nahin ukhDe

wo apni KHwab-gahon se nahin nikle

riwayat hai

safa-o-sidq ke beTe

hamesha raat aate hi

hisar-e-hamd

apne chaar jaanib khinch lete the

muqaddas aayaton ko apne pe dam kar ke sote the

riwayat hai

balaen un ke darwazon se

wapas lauT jati thin

sawad-e-sharq ka wo shahr

us shab Dher tha lekin

safa-o-sidq ki aulad ke KHeme nahin ukhDe