safed KHargosh ki gend

samundar ke kināre chalte chalte

geñd āsmān kī taraf jā pahuñchī hai

bādaloñ meñ kho ga.ī hai

yā shāyad kisī sitāre ke

nā-hamvār farsh par Thahar ga.ī hai

geñd ke na milne par ḳhargosh kī āñkheñ

surḳh motiyoñ kī tarah nahīñ chamaktīñ

āñsuoñ se bharī rahtī haiñ

vo ḳhāmosh baiThā rahtā hai

samundar ke paas nahīñ jaatā

āsmān ko bhī nahīñ dekhtā

jahāñ geñd chalī ga.ī hai

shāyad kabhī añdhere meñ geñd

vāpas aa.e to us ke donoñ taraf ka.ī

chamakdār bādal yā bahut se sitāre bane hoñ

yā phir banā huā tez raushnī kā

ek jaal aur kuchh nazar na aa sake

yā phailā huā vo samundar

jahāñ uchhalte uchhalte geñd hamesha

ḳhargosh ko khod detī hai aur kabhī

sitāra nahīñ ban paatī

samundar ke kinare chalte chalte

gend aasman ki taraf ja pahunchi hai

baadalon mein kho gai hai

ya shayad kisi sitare ke

na-hamwar farsh par Thahar gai hai

gend ke na milne par KHargosh ki aankhen

surKH motiyon ki tarah nahin chamaktin

aansuon se bhari rahti hain

wo KHamosh baiTha rahta hai

samundar ke pas nahin jata

aasman ko bhi nahin dekhta

jahan gend chali gai hai

shayad kabhi andhere mein gend

wapas aae to us ke donon taraf kai

chamakdar baadal ya bahut se sitare bane hon

ya phir bana hua tez raushni ka

ek jal aur kuchh nazar na aa sake

ya phaila hua wo samundar

jahan uchhalte uchhalte gend hamesha

KHargosh ko khod deti hai aur kabhi

sitara nahin ban pati