sailab
havā tez hai aur bahut tez hai
aur
gahre siyah bādaloñ se utarte hue shor ke saath
chāroñ taraf
pāgaloñ kī tarah dauḌtī hai
ġhazab
qahr
dahshat kā ik rākshas
muztarib aur betāb hai
ek sailāb hai
har taraf
sail-e-āb-e-ravāñ
apne shānoñ pe
har sā.ebāñ
har makāñ
saare dīvār-o-dar ko liye
ik ajab sar-kashī par tulā hai
jidhar chāhtā hai
udhar jā rahā hai
ghamanDī daraḳhtoñ ke sar jhuk chuke haiñ
zamīñ chhoḌ kar
sat.h-e-āb-e-ravāñ ke ishāroñ pe chalne lage haiñ
har ik shai ġharīq-e-balā hai
har ik samt bas ik fanā hai
havāoñ kī chiñghāḌ
aur
pāniyoñ kī garaj ke sivā
kuchh nahīñ hai
bas ik ḳhauf
tashkīk vāloñ ke dil kā makīñ hai
kahīñ duur
ik jism jo zindagī kī ramaq kho chukā hai
ki tajsīm se bhī alag ho chukā hai
ta.affun-zada hai
idhar se udhar tairtā hai
use
aaj koī nahīñ pūchhtā hai
ki us kī chamaktī huī zinda āñkheñ
koī le gayā hai
saḌe jism kī bū
havā bāñTtī hai
har ik fard ko DhūñDhtī hai
ġhanī ho ga.ī hai
havā tez hai aur bahut tez hai
ġhazab qahr-o-dahshat kā ik rākshas
muztarib aur betāb hai
ek sailāb hai
ye zamīñ kyā ki ab āsmāñ bhī tah-e-āb hai
hawa tez hai aur bahut tez hai
aur
gahre siyah baadalon se utarte hue shor ke sath
chaaron taraf
pagalon ki tarah dauDti hai
ghazab
qahr
dahshat ka ek rakshas
muztarib aur betab hai
ek sailab hai
har taraf
sail-e-ab-e-rawan
apne shanon pe
har saeban
har makan
sare diwar-o-dar ko liye
ek ajab sar-kashi par tula hai
jidhar chahta hai
udhar ja raha hai
ghamanDi daraKHton ke sar jhuk chuke hain
zamin chhoD kar
sath-e-ab-e-rawan ke ishaaron pe chalne lage hain
har ek shai ghariq-e-bala hai
har ek samt bas ek fana hai
hawaon ki chinghaD
aur
paniyon ki garaj ke siwa
kuchh nahin hai
bas ek KHauf
tashkik walon ke dil ka makin hai
kahin dur
ek jism jo zindagi ki ramaq kho chuka hai
ki tajsim se bhi alag ho chuka hai
taffun-zada hai
idhar se udhar tairta hai
use
aaj koi nahin puchhta hai
ki us ki chamakti hui zinda aankhen
koi le gaya hai
saDe jism ki bu
hawa banTti hai
har ek fard ko DhunDhti hai
ghani ho gai hai
hawa tez hai aur bahut tez hai
ghazab qahr-o-dahshat ka ek rakshas
muztarib aur betab hai
ek sailab hai
ye zamin kya ki ab aasman bhi tah-e-ab hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.