sair karaen

shahr shahr le jaa.eñ abbū

mujh ko sair karā.eñ abbū

kareñ na mangal piir dikhā deñ

jannat kī tasvīr dikhā deñ

shālīmār nashāt jahāñ hai

bas mujh ko kashmīr dikhā deñ

yuuñ hī mat bahlā.eñ abbū

mujh ko sair karā.eñ abbū

dillī meñ ik laal qila hai

aur qutub-mīnār khaḌā hai

shāh-jahāñ kī jāme’ masjid

vahīñ india gate banā hai

kal hī ticket kaTā.eñ abbū

mujh ko sair karā.eñ abbū

kalkatta bhī chal kar dekheñ

pool vo viddyā sāgar dekheñ

dilkash hai victoriya behad

aur dam-dam kā manzar dekheñ

mauqa' nahīñ gañvā.eñ abbū

mujh ko sair karā.eñ abbū

mumbai kī hai shaan nirālī

juuhu biich kā rang jamālī

haajī 'alī se ḳhālī dāman

kab lauTā hai koī savālī

chal kar kareñ du'ā.eñ abbū

mujh ko sair karā.eñ abbū

chāñd ke jaisā vo nirmal hai

us ke pīchhe jag pāgal hai

pyaar kī hai vo ek nishānī

āgara kā jo taaj mahal hai

apnā vachan nibhā.eñ abbū

mujh ko sair karā.eñ abbū

vaisā manzar aur kahāñ hai

chāroñ jānib amn-o-amāñ hai

jahāñ bharā hai annā sāgar

ḳhvāja kī dargāh vahāñ hai

kyoñ ajmer na jaa.eñ abbū

mujh ko sair karā.eñ abbū

paTna ziyāda duur nahīñ hai

piir 'alī kā baaġh vahīñ hai

hai gāñdhī maidān goal ghar

taara manDal ḳhuub hasīñ hai

aur nahīñ taḌpā.eñ abbū

mujh ko sair karā.eñ abbū

shahr shahr le jaen abbu

mujh ko sair karaen abbu

karen na mangal pir dikha den

jannat ki taswir dikha den

shaalimar nashat jahan hai

bas mujh ko kashmir dikha den

yun hi mat bahlaen abbu

mujh ko sair karaen abbu

dilli mein ek lal qila hai

aur qutub-minar khaDa hai

shah-jahan ki jame’ masjid

wahin india gate bana hai

kal hi ticket kaTaen abbu

mujh ko sair karaen abbu

kalkatta bhi chal kar dekhen

pool wo widdya sagar dekhen

dilkash hai wictoriya behad

aur dam-dam ka manzar dekhen

mauqa' nahin ganwaen abbu

mujh ko sair karaen abbu

mumbai ki hai shan nirali

juhu bich ka rang jamali

haji 'ali se KHali daman

kab lauTa hai koi sawali

chal kar karen du'aen abbu

mujh ko sair karaen abbu

chand ke jaisa wo nirmal hai

us ke pichhe jag pagal hai

pyar ki hai wo ek nishani

aagara ka jo taj mahal hai

apna wachan nibhaen abbu

mujh ko sair karaen abbu

waisa manzar aur kahan hai

chaaron jaanib amn-o-aman hai

jahan bhara hai anna sagar

KHwaja ki dargah wahan hai

kyon ajmer na jaen abbu

mujh ko sair karaen abbu

paTna ziyaada dur nahin hai

pir 'ali ka bagh wahin hai

hai gandhi maidan goal ghar

tara manDal KHub hasin hai

aur nahin taDpaen abbu

mujh ko sair karaen abbu