samay ko aTka diya

kalā.ī kī ghaḌī ko

aaj baḌe pyaar se utārā

aur us kī kunjī ko khīñch kar

ek asafal paryās kiyā

ghaḌī ko rokne kā

phir bhī jab nā maanī ghaḌī

to

chaTkā kar us kā kāñch

kuchh ghāvoñ se

us kī ek suuī ko toḌ diyā

ghaḌī bhī ziddī qism kī hai

rukne kā naam nahīñ hai letī

kitnā mushkil hai

vaqt ko pakaḌ kar rakhnā

yā bāñdhnā use kisī vāqiye ke saath

kuchh bigḌegā kyā us kā

yadi vo kuchh der Thahar jā.egā to

āḳhir meñ ek suuī ko

pakaḌ kar moḌ diyā

kuchh is tarah ki

aTak jaa.e vo vaqt vahī

maiñ un lamhoñ ko mahsūs kartā rahūñ

vo lamha jahāñ maiñ kuchh bhī nahīñ

lekin ġham bhī nahīñ

mere kuchh nā hone kā

ab aTkā kar samay ko

maiñ mauj manā.ūñgā

kalai ki ghaDi ko

aaj baDe pyar se utara

aur us ki kunji ko khinch kar

ek asafal paryas kiya

ghaDi ko rokne ka

phir bhi jab na mani ghaDi

to

chaTka kar us ka kanch

kuchh ghawon se

us ki ek sui ko toD diya

ghaDi bhi ziddi qism ki hai

rukne ka nam nahin hai leti

kitna mushkil hai

waqt ko pakaD kar rakhna

ya bandhna use kisi waqiye ke sath

kuchh bigDega kya us ka

yadi wo kuchh der Thahar jaega to

aaKHir mein ek sui ko

pakaD kar moD diya

kuchh is tarah ki

aTak jae wo waqt wahi

main un lamhon ko mahsus karta rahun

wo lamha jahan main kuchh bhi nahin

lekin gham bhi nahin

mere kuchh na hone ka

ab aTka kar samay ko

main mauj manaunga