samjhauta

1

bahut purānī koī udāsī

badan khañDar meñ paḌī huī hai

zehn ke tāqoñ meñ kitnī yādoñ kī ab bhī kālak jamī huī hai

hai dard koī ragoñ meñ bahtā ḳhamosh jaise

haiñ ashk kuchh jo talāshte haiñ

bahāne āñkhoñ se jhāñkne ke

haiñ zaḳhm kuchh be-qarār rahte haiñ jaise khulne ko har ghaḌī ye

kamāl ye hai

ki jhūTī muskān ik sajā kar

maiñ har aziyyat dabā gayā huuñ

sabhī ko lagtā hai Thiik hai sab

na.e marāsim banā ke ḳhush huuñ

kahāñ maiñ jā.ūñ

ki saarī chīzoñ se

har jagah se to us kī yādeñ juḌī huī haiñ

ye beḌiyāñ to hamāre pairoñ meñ jaane kab se paḌī huī haiñ

vo baa'd muddat ke

ab bhī utnā bharā hai mujh meñ

baġhair us ke to is shahr kā har ek rastā

tamām galiyāñ

bāzār cafe

nazar meñ jaise

suuī kī mānind chubh rahe haiñ

vahī theater hai corner kī vahī do seateñ

hai film parde pe comedy ik

sabhī tamāshā.ī ek lai meñ ḳhushī meñ Duube hue Thahāke lagā rahe haiñ

jagah pe us kī

hamāre pahlū meñ shaḳhs baiThā huā hai koī

hamāre kāñdhe pe us kā sar hai

ham apne andar sisak rahe haiñ

1

bahut purani koi udasi

badan khanDar mein paDi hui hai

zehn ke taqon mein kitni yaadon ki ab bhi kalak jami hui hai

hai dard koi ragon mein bahta KHamosh jaise

hain ashk kuchh jo talashte hain

bahane aankhon se jhankne ke

hain zaKHm kuchh be-qarar rahte hain jaise khulne ko har ghaDi ye

kamal ye hai

ki jhuTi muskan ek saja kar

main har aziyyat daba gaya hun

sabhi ko lagta hai Thik hai sab

nae marasim bana ke KHush hun

kahan main jaun

ki sari chizon se

har jagah se to us ki yaaden juDi hui hain

ye beDiyan to hamare pairon mein jaane kab se paDi hui hain

wo ba'd muddat ke

ab bhi utna bhara hai mujh mein

baghair us ke to is shahr ka har ek rasta

tamam galiyan

bazar cafe

nazar mein jaise

sui ki manind chubh rahe hain

wahi theater hai corner ki wahi do seaten

hai film parde pe comedy ek

sabhi tamashai ek lai mein KHushi mein Dube hue Thahake laga rahe hain

jagah pe us ki

hamare pahlu mein shaKHs baiTha hua hai koi

hamare kandhe pe us ka sar hai

hum apne andar sisak rahe hain