samjhauta

2

sab rote haiñ chillāte haiñ

mire yaar mujhe samjhāte haiñ

maiñ us ke dukh meñ Duubā huuñ mire saañs ukhaḌte jaate haiñ

maiñ kitnā

hañsmukh laḌkā thā

maiñ kitnā

ḳhush ḳhush rahtā thā

mirī chhoTī sī

ik duniyā thī

mirā pyārā sā

ik sapnā thā

ik shaḳhs jo merā

apnā thā

mujhe us ke saath meñ

jiinā thā

mujhe us ke saath meñ

marnā thā

mujhe yaad vo lamhe aate haiñ mire zaḳhm ubharte jaate haiñ

vo shaḳhs nahīñ hai merā jab

mujhe āḳhir us se kyā matlab

par baaz ye dil aatā hai kab

koī us ko chhūtā hogā ab

use kaisā lagtā hogā sab

ye soch ke ruuh taḌaptī hai mire jism-o-jāñ ghabrāte haiñ

maiñ vasl kī sej pe leTā huuñ

par hijr kī aag dahaktī hai

ye bel aziyyat kī kaisī

mere jīvan se lipTī hai

ik laḌkī man se lipTī hai

ik laḌkī tan se lipTī hai

ye mujh ko chūmtī rahtī hai mire aañsū bahte jaate haiñ

chubhte haiñ kāñTe se tan meñ

kuchh zaḳhm purāne haiñ man meñ

ho tauq sā jaise gardan meñ

ik shaḳhs hai mere jīvan meñ

maiñ us kī god meñ leTā huuñ mujhe us ke sapne aate haiñ

mujhe kyā kyā sahnā paḌtā hai

mujhe us ko chhūnā paḌtā hai

jo tan kā hai nā man kā hai

kyā haal mire jīvan kā hai

mujhe niiñd nahīñ aatī lekin mujhe maut ke sapne aate haiñ

mujhe us ke naam pe dhamkā kar

mujhe qasmeñ dī thiiñ aisā kar

jise kahte haiñ use apnā kar

mire bachche tū samjhautā kar

maiñ ab ik zinda-murda huuñ sab rote haiñ chillāte haiñ

maiñ us ke dukh meñ Duubā huuñ mire saañs ukhaḌte jaate haiñ

2

sab rote hain chillate hain

mere yar mujhe samjhate hain

main us ke dukh mein Duba hun mere sans ukhaDte jate hain

main kitna

hansmukh laDka tha

main kitna

KHush KHush rahta tha

meri chhoTi si

ek duniya thi

mera pyara sa

ek sapna tha

ek shaKHs jo mera

apna tha

mujhe us ke sath mein

jina tha

mujhe us ke sath mein

marna tha

mujhe yaad wo lamhe aate hain mere zaKHm ubharte jate hain

wo shaKHs nahin hai mera jab

mujhe aaKHir us se kya matlab

par baz ye dil aata hai kab

koi us ko chhuta hoga ab

use kaisa lagta hoga sab

ye soch ke ruh taDapti hai mere jism-o-jaan ghabraate hain

main wasl ki sej pe leTa hun

par hijr ki aag dahakti hai

ye bel aziyyat ki kaisi

mere jiwan se lipTi hai

ek laDki man se lipTi hai

ek laDki tan se lipTi hai

ye mujh ko chumti rahti hai mere aansu bahte jate hain

chubhte hain kanTe se tan mein

kuchh zaKHm purane hain man mein

ho tauq sa jaise gardan mein

ek shaKHs hai mere jiwan mein

main us ki god mein leTa hun mujhe us ke sapne aate hain

mujhe kya kya sahna paDta hai

mujhe us ko chhuna paDta hai

jo tan ka hai na man ka hai

kya haal mere jiwan ka hai

mujhe nind nahin aati lekin mujhe maut ke sapne aate hain

mujhe us ke nam pe dhamka kar

mujhe qasmen di thin aisa kar

jise kahte hain use apna kar

mere bachche tu samjhauta kar

main ab ek zinda-murda hun sab rote hain chillate hain

main us ke dukh mein Duba hun mere sans ukhaDte jate hain