سمجھوتہ

میں نے مانا کہ بہت درد میں ڈوبی ہے حیات

ساز ہستی کا ہر اک تار شکستہ ہے ابھی

لب پہ افسردہ تبسم کے سوا کچھ بھی نہیں

پھر بھی محرومیٔ قسمت کا گلہ کون کرے

زیست ہر گام پہ مانا کہ سسکتی ہی رہی

رات پھیلائے ہوئے زلف بکھرتی ہی رہی

ظلمت شب نے سکھایا مجھے جینے کا چلن

جب مئے درد ہی پینا ہے تو پھر غم کیسا

میں نے مانا کہ بہت درد میں ڈوبی ہے حیات

یہ بھی تسلیم کہ اب مونس و غم خوار نہیں ہے کوئی

تیرگی میرا مقدر ہے مقدر ہی رہے