samjhauta

maiñ ne maanā ki bahut dard meñ Duubī hai hayāt

sāz-e-hastī kā har ik taar shikasta hai abhī

lab pe afsurda tabassum ke sivā kuchh bhī nahīñ

phir bhī mahrūmī-e-qismat kā gila kaun kare

ziist har gaam pe maanā ki sisaktī hī rahī

raat phailā.e hue zulf bikhartī hī rahī

zulmat-e-shab ne sikhāyā mujhe jiine kā chalan

jab mai-e-dard hī piinā hai to phir ġham kaisā

maiñ ne maanā ki bahut dard meñ Duubī hai hayāt

ye bhī taslīm ki ab mūnis-o-ġham-ḳhvār nahīñ hai koī

tīrgī merā muqaddar hai muqaddar hī rahe

main ne mana ki bahut dard mein Dubi hai hayat

saz-e-hasti ka har ek tar shikasta hai abhi

lab pe afsurda tabassum ke siwa kuchh bhi nahin

phir bhi mahrumi-e-qismat ka gila kaun kare

zist har gam pe mana ki sisakti hi rahi

raat phailae hue zulf bikharti hi rahi

zulmat-e-shab ne sikhaya mujhe jine ka chalan

jab mai-e-dard hi pina hai to phir gham kaisa

main ne mana ki bahut dard mein Dubi hai hayat

ye bhi taslim ki ab munis-o-gham-KHwar nahin hai koi

tirgi mera muqaddar hai muqaddar hi rahe