samundar ki kuchh bundon se baat ki
samundar kī kuchh būñdoñ se baat kī
vo bhī apne vajūd ko le kar vyākul haiñ
vishāl samundar meñ kahā koī un kī hai suntā
jabki un se hī samundar hai
un ke binā samundar bas marusthal hai
būñdeñ din-rāt prayatn kartī haiñ
ek buuñd dūsre ko aage Dhakel kar
samundar kā vajūd qaa.em rakhtī haiñ
un ko ehsās hai apne hone kā
lekin
samundar har baar is baat ko bhuul jaatā hai
sochoñ agar būñdeñ vidroh kar deñ
banā kar dost sūraj ko
uupar ākāsh meñ bādal se mil jaa.eñ
ho saktā hai dostī dharā se kar leñ
us ke gart meñ samā jaa.eñ
suukh jā.egā samundar
būñdoñ kā vajūd to hamesha banā rahegā
samundar ko abhīmān kis baat kā
kyā pata
kyā use nahīñ patā
kis ne kiyā us kā vajūd qaa.em
miT jā.egā ek din
bas būñdoñ ko qadam vidroh kā uThānā hai
samundar ki kuchh bundon se baat ki
wo bhi apne wajud ko le kar wyakul hain
wishaal samundar mein kaha koi un ki hai sunta
jabki un se hi samundar hai
un ke bina samundar bas marusthal hai
bunden din-raat prayatn karti hain
ek bund dusre ko aage Dhakel kar
samundar ka wajud qaem rakhti hain
un ko ehsas hai apne hone ka
lekin
samundar har bar is baat ko bhul jata hai
sochon agar bunden widroh kar den
bana kar dost suraj ko
upar aakash mein baadal se mil jaen
ho sakta hai dosti dhara se kar len
us ke gart mein sama jaen
sukh jaega samundar
bundon ka wajud to hamesha bana rahega
samundar ko abhiman kis baat ka
kya pata
kya use nahin pata
kis ne kiya us ka wajud qaem
miT jaega ek din
bas bundon ko qadam widroh ka uThana hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
