samundar ki mehrbani

ye samundar kī mehrbānī thī

tum ne sāhil ko chhū ke dekh liyā

ab havā tum se kuchh nahīñ kahtī

mauj-dar-mauj lauTte ho tum

dhuup meñ iḳhtilāt karte ho

aur havā tum se kuchh nahīñ kahtī

koī bhī tum se kuchh nahīñ kahtā

sab samundar kī mehrbānī hai

jaao bārish kā ehtimām karo

abr-e-āvāra se patañg banāo

ab tumhāre haiñ ḳhema-o-ḳhargāh

duur do bādbāñ chamakte haiñ

kashtiyoñ meñ diye jale hoñge

koī sāhil pe aa.egā is baar

tum ne sote meñ phir savāl kiyā

kaun sāhil pe aa.egā is baar

aao dariyā nashīn ho jaa.eñ

ham ne sāhil ko chhū ke dekh liyā

ye samundar ki mehrbani thi

tum ne sahil ko chhu ke dekh liya

ab hawa tum se kuchh nahin kahti

mauj-dar-mauj lauTte ho tum

dhup mein iKHtilat karte ho

aur hawa tum se kuchh nahin kahti

koi bhi tum se kuchh nahin kahta

sab samundar ki mehrbani hai

jao barish ka ehtimam karo

abr-e-awara se patang banao

ab tumhaare hain KHema-o-KHargah

dur do baadban chamakte hain

kashtiyon mein diye jale honge

koi sahil pe aaega is bar

tum ne sote mein phir sawal kiya

kaun sahil pe aaega is bar

aao dariya nashin ho jaen

hum ne sahil ko chhu ke dekh liya