sar-e-sham

abhī to manzar-e-gul da.avat-e-nazāra thā

abhī to dīda-o-dil kār-zār-e-hastī haiñ

rah-e-najāt kā unvān banñe vaale the

abhī to shaam ke is mauj-ḳhez dariyā meñ

navā-o-saut kā tūfān uThne vaalā thā

nihāñ talātum-e-lā-intihā thā siine meñ

abhī se kyuuñ mire naale laboñ pe suukh ga.e

abhī se mohr-ba-lab kyuuñ huī navā-e-ḳharosh

abhī se kyuuñ dil-e-betāb tāb-e-ġham laayā

abhī to jaañ pe bahut qarz the zamāne ke

abhi to manzar-e-gul dawat-e-nazara tha

abhi to dida-o-dil kar-zar-e-hasti hain

rah-e-najat ka unwan banne wale the

abhi to sham ke is mauj-KHez dariya mein

nawa-o-saut ka tufan uThne wala tha

nihan talatum-e-la-intiha tha sine mein

abhi se kyun mere nale labon pe sukh gae

abhi se mohr-ba-lab kyun hui nawa-e-KHarosh

abhi se kyun dil-e-betab tab-e-gham laya

abhi to jaan pe bahut qarz the zamane ke