سراب

ہوا چلی تو نیلے آسماں تلے درخت جھومنے لگے

یہاں سے دور آنکھ میں بنے سراب موج موج بن کے میری آنکھ سے لپٹ گئے

سو تو بتا کہ

آج کس خوشی میں تیرے بند ہونٹ کھل گئے

کہ اک زمانہ جب ہماری بے بسی پہ ہنس رہا تھا

تو نے خامشی سے ہونٹ سل دئے

آج میں خدا کو یہ بتا رہا ہوں

تو نے جس طرح

ہماری آنکھ میں رکی محبتوں کا امتحاں لیا

تو من کے ریت پر دراڑ پڑ گئے

اسی سمے

ہمارے پاس دل کی سرزمیں کہیں خزاں کی نذر ہو گئی

ہوا تھمی تو پھول خوشبوؤں میں قید ہو گئے

درخت اپنی جھولیوں کو سانحوں سے بھر گئے

سو تو بتا کہ

آج کس خوشی میں تیرے بند ہونٹ کھل گئے