sarab

havā chalī to niile āsmāñ tale daraḳht jhūmne lage

yahāñ se duur aañkh meñ bane sarāb mauj mauj ban ke merī aañkh se lipaT ga.e

so tū batā ki

aaj kis ḳhushī meñ tere band hoñT khul ga.e

ki ik zamāna jab hamārī bebasī pe hañs rahā thā

tū ne ḳhāmushī se hoñT sil diye

aaj maiñ ḳhudā ko ye batā rahā huuñ

tū ne jis tarah

hamārī aañkh meñ rukī mohabbatoñ kā imtihāñ liyā

to man ke ret par darāḌ paḌ ga.e

usī samay

hamāre paas dil kī sarzamīñ kahīñ ḳhizāñ kī nazr ho ga.ī

havā thamī to phuul ḳhushbuoñ meñ qaid ho ga.e

daraḳht apnī jholiyoñ ko sānehoñ se bhar ga.e

so tū batā ki

aaj kis ḳhushī meñ tere band hoñT khul ga.e

hawa chali to nile aasman tale daraKHt jhumne lage

yahan se dur aankh mein bane sarab mauj mauj ban ke meri aankh se lipaT gae

so tu bata ki

aaj kis KHushi mein tere band honT khul gae

ki ek zamana jab hamari bebasi pe hans raha tha

tu ne KHamushi se honT sil diye

aaj main KHuda ko ye bata raha hun

tu ne jis tarah

hamari aankh mein ruki mohabbaton ka imtihan liya

to man ke ret par daraD paD gae

usi samay

hamare pas dil ki sarzamin kahin KHizan ki nazr ho gai

hawa thami to phul KHushbuon mein qaid ho gae

daraKHt apni jholiyon ko sanehon se bhar gae

so tu bata ki

aaj kis KHushi mein tere band honT khul gae